Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordadaǵy «Qazaqmys» ǵımaratynda órttiń neden shyqqany anyqtaldy

2021 jyldyń 22 qyrkúıek 2021 16:01

NUR-SULTAN. QazAqparat – Nur-Sultan qalasynda ornalasqan «Qazaqmys» korporatsııasy ǵımaratynda oryn alǵan órt oqıǵasynyń aldyn ala saldary ataldy, dep habarlaıdy QazAqparat tilshisi.

«Keshe saǵat 18:33-te «101» pýltine Turan dańǵyly 37 mekenjaıynda ornalasqan ákimshilik bıznes ortalyǵynda órt shyqqany týraly habarlama kelip tústi. Anyqtalǵandaı ǵımarattyń syrtqy qabyrǵasynyń qaptamasynan órt shyqqan. Aldyn ala málimet boıynsha órt ot jaǵý kezinde qaýipsizdik erejeleriniń saqtalmaýynan oryn alǵan. Oqys oqıǵaǵa qatysty is Polıtsııa departamentine jiberildi. Búginde shyǵyn kólemi anyqtalyp jatyr. Qaza bolǵandar men zardap shekkender joq», - dedi QR Tótenshe jaǵdaılar mınıstrligi Órtke qarsy qyzmet komıtetiniń basqarma tóraǵasy Erlan Tóregeldıev OKQ-de ótken baspasóz máslıhatynda.

Aıta ketsek, keshe qalalyq Tótenshe jaǵdaılar departamenti Turan dańǵylynyń boıyndaǵy ǵımarattardyń birinen órt shyqqany týraly habarlaǵan edi.

Tilsiz jaýmen kúreske jeke quramnan 44 adam men 11 tehnıka jumyldyrylǵan.


Avtor Álı Ibraev
Basty sózder: Nur-Sultan, Oqıǵa, Qylmyspen kúres,
Joǵary qaraı