Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordadaǵy turǵyn úı keshenderinde qaldyqtardy bólek jınaý baǵdarlamasy iske asyrylýda

2021 jyldyń 8 mamyr 2021 14:58

NUR-SULTAN. QazAqparat - Nur-Sultan qalasynyń «Qorshaǵan ortany qorǵaý jáne tabıǵatty paıdalaný basqarmasy» MM «Clean City NC» JShS qoqys shyǵaratyn uıymymen birlesip, 2021 jyldyń qańtarynan elordada qaldyqtardy bólek jınaýdy nasıhattaı bastady. Ol túrli is-sharalar men aktsııalardy uıymdastyrýdy qamtıdy, dep habarlaıdy qala ákimdiginiń resmı saıty.

Qazirgi ýaqytta elordanyń turǵyn úı keshenderinde «Meniń jasyl úıim» jobasy júzege asyrylýda. Onyń jumysy kelesideı:

Turǵyn úı kesheniniń turǵyndary qaldyqtardy bóletin seriktestikke júginedi. Seriktestik qaıtalama shıkizat úshin sary torlar/konteınerler (TK janyndaǵy konteınerlik alańnyń bolýyna baılanysty) ornatady. Budan ári barlyq TK boıynsha qaldyqtardyń qandaı túrleri qaıta óńdeýge jatatyny týraly nusqaýlyqtary bar plakattar japsyrylady. Úıde qoqysty qalaı durys suryptaý kerektigi jaıly vıdeo turǵyndardyń chatyna jiberiledi. Offlaın nemese onlaın formatta tańdaý úshin qosymsha oqytý júrgizýge bolady. Oqytýdy eko-jattyqtyrýshy, ekologııa, geologııa jáne tabıǵı resýrstar mınıstrliginiń ambassadory Márııam Qasymova júrgizedi.




Joba birneshe turǵyn úı kesheninde, sonyń ishinde «Sensata Park», «Máńgilik», «Avstrııalyq kvartal» turǵyn úı keshenderinde engizildi.

Qazir taǵy birneshe turǵyn úı keshenine qosý júrip jatyr.

Osy jobany iske asyrý qaldyqtardy qaıta óńdeý kólemin ulǵaıtýǵa, suryptaý deńgeıin arttyrýǵa, sondaı-aq azamattarda ekoádet qalyptastyrýǵa múmkindik beredi.


Basty sózder: Ekologııa, Nur-Sultan, Ákimdik,
Joǵary qaraı