Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordadaǵy turǵyn úıler stýdenttik jataqhanaǵa aınaldyrylmaq

2021 jyldyń 27 qazan 2021 15:44

NUR-SULTAN. QazAqparat – Nur-Sultan qalasyndaǵy turǵyn úı nysandary stýdenttik jataqhana bolyp qaıta beıindeledi. Bul týraly QazAqparat Bilim jáne ǵylym mınıstrligine silteme jasap habarlaıdy.

QR Bilim jáne ǵylym mınıstrliginiń ókilderi elordalyq stýdentterdiń turǵyn úıge qatysty máselesin sheshý úshin ınvestorlarmen tıisti kelissózder júrgizdi. Búgingi tańda 9 ınvestor ǵımarattardy qaıta beıindeýge daıyn ekendikterin málimdedi.

«Biz salynyp jatqan, sondaı-aq qoldanysqa berilgen turǵyn úı nysandary men jataqhana retinde paıdalanýǵa bolatyn ǵımarattarǵa bardyq. Osy rette turǵyn úılerdiń nysanaly maqsatyn ózgertý múmkindigin egjeı-tegjeıli qarastyrdyq. Nysandardy osy jyldyń jeltoqsan aıynda tapsyrý josparlanǵan. Biz bul máseleni, sondaı-aq stýdentterdi jataqhanamen qamtamasyz etý máselesin keshendi sheshýdi baqylaýda ustaımyz», — dep atap ótti QR BǴM Qarjy ortalyǵynyń ilgeriletý jáne syrtqy kommýnıkatsııalar departamentiniń dırektory Alpamys Satybaldın.

Sonymen qatar QR BǴM stýdenttik jataqhanalardy qaıta qurý qarqynyn jedeldetý úshin jańa jaǵdaılar jasaldy. Atap aıtqanda, ǵımarattardy jataqhana etip qaıta qurý kezinde memlekettik tapsyrys mólsheri eki esege jýyq ulǵaıtyldy. ıAǵnı, stýdent alǵan árbir oryn úshin 47 AEK-ten 92 AEK-ke deıin. Bul norma Nur-Sultan jáne Almaty qalalaryndaǵy obektilerge qatysty qoldanylady. Mundaı jańashyldyq stýdenttik jataqhanalar sanyn aıtarlyqtaı arttyrýǵa jáne bilim alýshylardyń ómir súrý jaǵdaılaryn jaqsartýǵa múmkindik beredi. Bul rette atalǵan jataqhanalar óziniń nysanaly maqsaty boıynsha keminde 20 jyl jumys isteýi tıis.

Sońǵy úsh jylda elimizde 90-nan astam stýdenttik jataqhana paıdalanýǵa berildi. Osy jyldyń sońyna deıin taǵy 32 nysan qoldanysqa beriledi.
Joǵary qaraı