Aýa raıy
Astana -19 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Elordadaǵy jarylys: 23 adam aýrýhanada jatyr

2020 jyldyń 22 qarasha 2020 11:31

NUR-SULTAN. QazAqparat - Elordadaǵy dámhanada oryn alǵan gaz ballony jarylysy saldarynan aýrýhanada 23 adam jatyr. Bul týraly Nur-Sultan qalalyq densaýlyq saqtaý basqarmasy málim etti, dep habarlaıdy QazAqparat tilshisi.

«Barlyǵy 35 adam zardap shekti. Olardyń barlyǵy birden qalalyq statsıonarlarǵa jetkizildi. Medıtsına mamandarynyń tekserýinen keıin 23 adam aýrýhanaǵa jatqyzylyp, jeńil-jelpi jaraqat alǵan 11 adam ambýlatorlyq em alýǵa jiberildi», - dedi basqarmadan.

Vedomstvo málimetinshe, túrli deńgeıde kúıik shalyp, ortasha deńgeıde gazǵa ýlanyp qalǵan patsıentter №1 jáne 2 qalalyq kópbeıindi aýrýhanaǵa, al jaraqat alyp, mıy shaıqalǵan naýqastar qalalyq aýrýhanalardyń beıindi bólimshelerine jatqyzylǵan.

Keshe elordada dámhanalardyń birinde gaz ballony jarylyp, 1 adamnyń qaza tapqanyn habarlaǵan edik.

Osy oqıǵadan keıin qaza tapqan qyzdyń otbasyna kómek kórsetiletindigin aıtqan Nur-Sultan ákimi Altaı Kólginov Tótenshe jaǵdaılar departamenti men Polıtsııa departamentine qaladaǵy basqa da qoǵamdyq tamaqtaný nysandaryn órt qaýipsizdigi erejeleriniń saqtalýyn tekserýdi tapsyrǵan bolatyn.




Joǵary qaraı