Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Elordaǵa 60 Olımpıada júldegeri keledi

2019 jyldyń 12 qyrkúıek 2019 17:04

NUR-SULTAN. QazAqparat – Elordada kúres túrlerinen ótetin álem chempıonatyna bes qurlyqtan 60-tan astam Olımpıada chempıony men júldegeri keledi, dep habarlaıdy QazAqparat tilshisi.

Bul týraly QR grek-rım kúresiniń vıtse-prezıdenti Dáýlet Turlyhanov «Barys-Arena» stadıonynda ótken baspasóz máslıhatynda aıtty.

«Chempıonatta 1002 balýan baq synaıdy. Olar 104 eldiń namysyn qorǵaıdy. Ol týraly aqparat taratýǵa 250-den astam jýrnalıst tirkeldi. Óıtkeni elorda tórine bes qurlyqtan 60-tan astam Olımpıada chempıondary men júldegeri kele jatyr. Onyń ishinde qonaq retinde tamashalaıtyn ardagerler de, medalǵa talasatyn balýandar da bar. Atap aıtsaq, qazaqstandyqtarǵa etene tanys bolyp ketken Aleksandr Karelın, jas amerıkalyq juldyz Kaıl Snaıder, tórt dúrkin álem chempıony, Olımpıada chempıony Djordan Barroýz, japonııalyq áıgili chempıon Kaorı Ite, Artýr Aleksanıan, Lopes Nýnes, Qazaqstannyń týmasy Valerıı Rıazantsev, Belarýs sportshysy Kamandar Madjıdov, Irannan áıgili Rasý Hadem keledi», - dedi Dáýlet Turlyhanov.

Onyń aıtýynsha, bul jolǵy chempıonat grek-rım sheberleri úshin naǵyz synalatyn sát bolmaq.

«Grek-rım kúresinen álem chemıponatynyń «altynyn» almaǵanymyzǵa 20 jyl bolypty. Óz kilemizde sol olqylyqtyń orny tolýy tıis. Sońǵy kezde álem chemıponaty men Olımpıada oıyndarynda boks pen aýyr atletıkadan abyroıymyz bıiktep júr ǵoı. Solardyń sapyna balýandarymyz da enýi kerek. Boksshylarymyzdyń jeńisti jolyn balýandar jalǵastyrýy kerek», - dedi federatsııa ókili.


Avtor Esimjan Naqtybaı
Basty sózder: Sport, Nur-Sultan,
Joǵary qaraı