Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordaǵa qosymsha 2300 tonna suıytylǵan gaz bólindi - Energetıka mınıstrligi

2021 jyldyń 20 qazan 2021 09:27

NUR-SULTAN. QazAqparat – Osy aıda Nur-Sultan qalasynyń shamamen 10 kóp páterli turǵyn úı keshenderine ystyq sýmen jabdyqtaý jáne jylý berý qyzmetterin kórsetýde irkilis boldy.

Negizgi sebepterdiń biri – suıytylǵan gazdy elordaǵa ýaqtyly jetkizbeý, dep habarlaıdy QazAqparat QR Energetıka mınıstrliginiń Instagram paraqshasyna silteme jasap.

QR Energetıka mınıstrligi jergilikti atqarýshy organmen, sondaı-aq óndirýshi zaýyttarmen jáne «Qazaqstan temir joly» UK» AQ-men birlesip, jylý berý maýsymynyń erte bastalýyna baılanysty elorda úshin gazdy basymdyqpen jóneltý múmkindigin pysyqtady.

Sonymen qatar, «Teńizshevroıl» JShS-men qalaǵa qosymsha 2300 tonna gaz bólý týraly kelissózder júrgizildi.
Birinshi kezekte otyn gaz taratý qondyrǵylary men qazandyqtarǵa, sodan keıin ǵana avtojanarmaı quıý stantsııalaryna jetkiziletin bolady.

Sońǵy eki jylda kógildir otynǵa aýystyrylǵan avtomobılder sany artqanyn atap ótken mańyzdy (2019 jylǵy 139 myń birlikten 2021 jyly 313 myń avtomobılge deıin).
Aıta keteıik, jaǵdaıǵa «Teńizshevroıl» JShS (01.08 - 18.09.2021j. aralyǵynda), sondaı-aq «SNPS-Aqtóbemunaıgaz» AQ (qyrkúıek) jáne «Pavlodar munaı-hımııa zaýyty» JShS (qazan) zaýyttarynda kúrdeli jóndeý júrgizý áser etti, sonyń saldarynan Qazaqstanda suıytylǵan munaı gazyn óndirý kólemi 25%-ǵa tómendedi.
Jaqyn kúnderi zaýyttar óndiristik qýatyna shyǵyp jáne jaqyn arada suıytylǵan gaz óńirlerge kelip túsip, halyq arasynda bólshek saýda úshin qoljetimdi bolady.
Іshki naryqqa berý jospary sheńberinde ótkiziletin suıytylǵan munaı gazynyń aınalymyn baqylaýdy jergilikti atqarýshy organdar júzege asyrady.


Joǵary qaraı