Aýa raıy
Astana -9 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Elordalyq ata-analar balabaqshadaǵy tamaq berý protsesin kamera arqyly baqylaı alady

2019 jyldyń 18 qyrkúıek 2019 16:11

NUR-SULTAN. QazAqparat – Nur-Sultan qalalyq Bilim basqarmasynyń basshysy Ánýar Janǵozın elordadaǵy balabaqshalarda tamaqtandyrý sapasyn arttyrý máselesi qalaı rettelip jatqanyn aıtyp berdi, dep habarlaıdy QazAqparat tilshisi.

«Ótken jyly mekteptegi tamaqtandyrý máselesine basa nazar aýdarsaq, bıyl mektepke deıingi uıymdarǵa júrgiziletin monıtorıngti kúsheıtýdi kózdep otyrmyz. Tamaqtandyrý sapasyn qadaǵalaý maqsatynda belsendi ata-analardyń, qalalyq máslıhat ókilderiniń, «Nur Otan» partııasy músheleri men «Adaldyq alańy» ókilderiniń qatysýymen aýqymdy jumystar júrgizildi. Bul rette basymdyq mektep ashanalaryna berildi. Birinshiden, tamaqtandyrý protsesin uıymdastyrý úshin mektepter konkýrs jarııalamaıdy. Bul jumys aktıvter jáne memlekettik satyp alý basqarmasy deńgeıinde biryńǵaı konkýrs arqyly ótkiziledi. Ekinshiden, ár mektep ashanasyna beınebaqylaý kameralary ornatyldy. Sondyqtan, ata-analar tarapynan qandaı da bir suraqtar bolsa, olar kamera arqyly tamaqtandyrý sapasyn baqylaı alady», - dedi Ánýar Janǵozın elorda ákimdiginiń baspasóz ortalyǵynda ótken brıfıngte.

Qalalyq bilim basqarmasy basshysynyń aıtýynsha, úshinshiden, mektepterde qazirgi ýaqytta qolma-qol aqshasyz tólem jasaý júıesi engizilip jatyr. ıAǵnı, balalar ashanaǵa kelgen kezde aqshalaı emes, kartochka arqyly tóleı alady.

«Tórtinshiden, monıtorıngtiń nátıjesinde 85 mektep arasynda 30 mektepte ǵana kemshilik anyqtalǵan joq. Qalǵan mektepter tamaqtandyrý boıynsha azyq-túlik jetkizýshilerdi aýystyryp, qaıtadan konkýrs jarııalady. Óz kezeginde osyǵan deıin ár mektepte konkýrsqa bir nemese eki jetkizýshi qatyssa, qazir olardyń sany bes nemese altyǵa artqan. ıAǵnı, báseke bar», - dedi ol.

Ánýar Janǵozınniń aıtýyna qaraǵanda, balalardy tamaqtandyrý boıynsha ótken jylǵa qaraǵanda shaǵymdar sany 35 paıyzǵa azaıǵan.

«Osy jumysty biz jalǵastyramyz. Qalalyq monıtorıng tobyn metkepke deıingi uıymdarda tamaqtandyrý sapasyn qadaǵalaý maqsatynda keńeıtip otyrmyz. Belsendi ata-analardy osy jumysqa atsalysýǵa shaqyramyz. 20 qyrkúıekke deıin qalalyq bilim basqarmasynyń saıtynda monıtorıngke qatysqysy keletin ata-analardan ótinim qabyldaıtyn aıdar ashylady. Árıne, osy baǵytty «Nur Otan» partııasy músheleri men «Adaldyq alańy» ókilderi qoldap otyr», - dedi Ánýar Janǵozın.


Avtor Aıan Bekenuly
Basty sózder: Nur-Sultan, Bilim, Azyq-túlik,
Joǵary qaraı