Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordalyq muqtaj jandarǵa qurbandyq eti úlestirildi

2021 jyldyń 20 shilde 2021 19:40

NUR-SULTAN. QazAqparat - Elordalyq eriktiler Qurban aıtta muqtaj jandarǵa qurbandyq etin jetkizedi. Bıyl qurbandyq shalý qurban2021.kz saıty arqyly onlaın rejıminde ǵana júzege asyrylady, dep habarlaıdy Nur-Sultan qalasy ákimdiginiń resmı saıty.


«Barshańyzdy qasıetti Qurban aıt merekesimen quttyqtaımyz. Búgin elorda ákimdigi men Múftııattyń birlesken kúshimen qurban2021.kz saıty arqyly onlaın qurbandyq shalý uıymdastyryldy. Qurbandyq shalýǵa arnalǵan arnaıy oryndardan ákelingen etterdi eriktiler múshelep, taratýǵa kómektesedi, al avtovolonterler bul paketterdi óz mashınalarymen kórsetilgen mekenjaı boıynsha tasymaldaıdy. Jumys tańerteń erte bastalady», - dedi Nur-Sultan qalasynyń Dinderdi zertteý ortalyǵynyń basshysy Mádı Taıpın.

Uıymdastyrýshylardyń aqparaty boıynsha, qurban2021.kz saıtyna kómekke muqtaj kópbalaly, áleýmettik az qamtylǵan otbasylardan qurbandyq etin alýǵa 3 myńnan astam ótinish kelip tústi.




«Qurbandyq eti áleýmettik az qamtylǵan, turmysy tómen otbasylarǵa taratylady. Bıyl etti taratýǵa 100-den astam erikti men avtovolonter jumyldyryldy», - dedi «Astana Jastary» KMM basshysynyń orynbasary Aıan Ermentaev.

Esterińizge sala keteıik, qoǵamdyq qaýipsizdikti qamtamasyz etý jáne jurttyń jappaı jınalýyna jol bermeý maqsatynda mal soıýǵa arnalǵan dástúrli oryndar, ıaǵnı bazarlar, sharýa qojalyqtary jabyldy.




«Alla Taǵala sizderge densaýlyq bersin! Qazir bárimiz úshin eń bastysy – densaýlyq, qalǵanynyń bári retimen bolady. Bizdi esten shyǵarmaısyzdar, osy joly da kómek kórsetkenderińiz úshin alǵysym sheksiz», - dedi eriktilerge rıza bolǵan elorda turǵyny Qarlyǵash Aqjigitova.

«Qala ákimdigi men eriktilerge kórsetken kómekteri úshin alǵys bildiremin. Barshańyzǵa amandyq tileımin! Qurban aıt merekesi qutty bolsyn!» - dep alǵysyn bildirdi elordalyq Álııa Ámirǵazına.














Basty sózder: Qaıyrymdylyq, Nur-Sultan, Qurban aıt,
Joǵary qaraı