Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordalyq polıtseı sýǵa batyp bara jatqan áıeldi qutqardy

2021 jyldyń 21 maýsym 2021 17:20

NUR-SULTAN. QazAqparat – Elordada 35 jastaǵy áıel Eskekshiler kanalyn júzip ótpek bolǵan, dep habarlaıdy QazAqparat.

Nur-Sultan qalasy Polıtsııa departamentiniń málimetinshe, búgin saǵat 11.25-te «102» arnasyna Eske esý kanalynda sýǵa adam batyp bara jatqany týraly habarlama kelip túsken.

«Shaqyrtýǵa jedel túrde aǵa leıtenanttar Aıdos Aǵabekov pen Nursultan Seıdalıev jiberildi. Oqıǵa ornyna jetken polıtseıler ózen ortasynan áıeldi kórgen. Aıdos Aǵabekov kıimin sheship, sýǵa sekirdi. Aǵa leıtenant qas qaǵym sátte áıeldiń janyna jetti. Ábden álsiregen áıel qarmaný kezinde polıtsııa ókiliniń jaǵaǵa shyǵýyna kedergi keltirgen. Jaǵadaǵy saqshy áriptesine úrlengen sheńber laqtyryp, ekeýin jaǵaǵa shyǵardy», - dep jazylǵan departamenttiń aqparatynda.

35 jastaǵy áıel eskek esýshilerge arnalǵan kanaldy júzip ótpek bolǵan. Arnanyń ortasyna jetkende álsirep qalǵan.

«Áıelge júzip jetken kezde, qorqynyshtan denesi siresip, kedergi keltirdi. Men ózim de batpaı, ony da aman alyp shyǵýa tyrystym», - deıdi aǵa letenant Aıdos Aǵabekov.

Áıelge medıtsınalyq kómek kórsetildi, onyń ómirine qaýip joq.


Avtor Esimjan Naqtybaı
Basty sózder: Qoǵam, Oqıǵa, Nur-Sultan, Vıdeo,
Joǵary qaraı