Aýa raıy
Astana 0 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Elordalyq volonterler Taldykól mańynan 1 tonna qoqys jınady

2020 jyldyń 15 qyrkúıek 2020 20:14

NUR-SULTAN. QazAqparat – Elordalyq volonterler «Zamandas» otbasylyq aýla klýbtarynyń tárbıelenýshilerimen birge elordadaǵy Taldykól men Jaǵalaý aýdanynda qoqys jınady, dep habarlaıdy QazAqparat.

Belsendiler jalpy uzyndyǵy 1 shaqyrym aýmaqty qoqystan tazartyp, 1 tonna qoqys jınaǵan. Eko-kvest aıasynda volonterler ata-analar men balalarǵa qaldyqtardy suryptaý boıynsha sheberlik synybyn ótkizdi jáne syılyqtar tabystady.

«Balalar men olardyń ata-analarynyń nazaryn qorshaǵan ortanyń ekologııalyq problemalaryna aýdarý, tabıǵatqa uqypty qaraý qajettiligin kórsetý, qoqysty odan ári óńdeý úshin durys suryptaýǵa úıretý jáne komandada jumys isteýdiń úlgisin kórsetý – bizdiń mindetimiz», - dedi áleýmettik ózara is-qımyl jáne kommýnıkatsııa ortalyǵynyń jobalaý menedjeri Ajar Ábdıeva.

Aıta keteıik, bul eko-kvest jyl saıyn uıymdastyrylady. 2019 jyly kvest aıasynda 18 tonna qoqys jınalǵan.

«Biz úshin bul - karantın jeńildegennen keıingi birlesip ótkizgen alǵashqy is-shara boldy. Balalardyń muǵalimdermen onlaın rejımindegi kezdesýlerinen keıin olardy alǵash kezdeskenderin kórý áserli boldy. Jaqsy uıymdastyrý men logıstıkany da atap ótkim keledi, al syılyqtardy tapsyrý balalar úshin jaǵymdy tosyn syı boldy. Fıtnes bilezikter salaýatty ómir saltyn júrgizýge kómekshi retinde qalady», - dedi «Zamandas 21» qoǵamdyq qory dırektorynyń orynbasary Ksenııa Radıonova.






Joǵary qaraı