Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordalyqtar erkin túrde emhana tańdaı alady

2021 jyldyń 17 qyrkúıek 2021 03:30

NUR-SULTAN. QazAqparat - Qazaqstanda, sonyń ishinde elordada halyqty emhanaǵa tirkeý naýqany bastaldy. Jyl saıyn ótkiziletin dástúrli kampanııa eki aı boıy, 15 qyrkúıekten 15 qarashaǵa deıin sozylady. Bul týraly QazAqparat Áleýmettik medıtsınalyq saqtandyrý qoryna silteme jasap habarlaıdy.

Nur-Sultan qalasy boıynsha alǵashqy medıtsınalyq-sanıtarııalyq kómek kórsetetin 36 medıtsınalyq uıymǵa tirkele alady. Olardyń 18-i – memlekettik, qalǵany – jekemenshik klınıkalar. Osy

«Tirkeý naýqany kezinde azamattar ózi turatyn aýmaq sheńberindegi memlekettik qana emes, jeke menshik klınıkalarǵa da tirkele alady. Ol úshin emhana Medıtsınalyq saqtandyrý qorynyń jetkizýshiler tiziminde bolýy tıis», - deıdi «Áleýmettik medıtsınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.

Esterińizge sala ketsek, bıylǵy naýqan barysynda emhana aýystyrǵan azamattar ózi tańdaǵan emdeý mekemesiniń qyzmetin 2022 jyldan bastap paıdalana alady. Jalpy, emhana aýystyrý mindetti emes. Burynǵy emhana qyzmetine kóńili tolatyn azamattar ári qaraı da burynǵy klınıkanyń qyzmetin paıdalana berse bolady.

Emhana ózi qyzmet kórsetetin aımaqtan tys jerde turatyn azamattardy, sondaı-aq, bastapqy medıtsınalyq-sanıtarlyq kómek kórsetetin mekeme júktemesi shekten asyp ketken jaǵdaıda tirkeýden bas tartýy múmkin. Qoldanystaǵy normatıvterge sáıkes, ýchaskedegi jalpy praktıka dárigerine tirkelgender sany 1700-den aspaýy tıis.

Tirkelgen turǵyndar regıstri derekteri boıynsha 2021 jyldyń 1 qyrkúıegine deıingi ýaqytta alǵashqy medıtsınalyq-sanıtarlyq kómek kórsetetin medıtsına uıymdaryna 1 252 009 adam ǵana tirkelgen.

Aıta ketsek, bıyl tirkeý tártibine birqatar ózgerister engizildi. Budan bylaı Eýrazııalyq ekonomıkalyq odaqqa múshe memleketterden kelgen eńbek mıgranttary emhanaǵa tirkelý úshin erikti medıtsınalyq saqtandyrý polısin satyp alýy tıis. Olar tirkelý úshin emhananyń tirkeý bólimine baryp ótinish jazady.

Tirkeý naýqanyna Qordyń málimetter bazasyna engen emdeý mekemeleri ǵana qatysady. Olardyń tolyq tizimimen MSQ www.fms.kz resmı saıty arqyly tanysýǵa bolady.


Joǵary qaraı