Aýa raıy
Astana 5 °S
Almaty 15 °S
valıýta baǵamy
USD 386.70
EUR 427.15
RUB 6.06
CNY 54.57

Elordalyqtar sport kúnin velosıpedpen qarsy aldy

2019 jyldyń 18 tamyz 2019 21:50

NUR-SULTAN. Qazaqparat – Sport kúniniń qurmetine elordalyq turǵyndar 14 shaqyrymdy velosıpedpen júrip ótti, dep habarlaıdy QazAqparat tilshisi.

Nur-Sultan qalasynyń Mádenıet jáne sport basqarmasy uıymdastyrǵan dástúrli velojarysqa 1 myńnan astam áýesqoı qatysty. Olardyń arasynda QR Mádenıet jáne sport mınıstri Aqtoty Raıymqulova, belgili qoǵam qaıratkerleri, velosporttyń kásipqoılary da boldy.





Qabanbaı batyr dańǵylynan jolǵa shyqqan veloshabandozdar Uly Dala kóshesine ótip, ári qaraı Turan dańǵylyn boılaı kelip, Ortalyq saıabaqta márege jetti.

Elorda ákiminiń orynbasary Baqtııar Máken qatysýshylardy quttyqtap, sport mádenıeti halyq arasynda joǵary deńgeıde damyp kele jatqanyn atap ótti.

«Búgingi velojarys jastardy sportpen aınalysýǵa jáne salaýatty ómir saltyn nasıhattaýǵa septigin tıgizdi jep senemin. Barlyq qatysýshylarǵa sáttilik pen úlken jeńister tileımin», - dedi Baqtııar Máken.

Márege jetip, tirkeýden ótkender arasynda utys oınatylyp, júldege velosıpedter men estelik syılyqtar tigildi.

Eske sala ketsek, QR Prezıdenti Qasym-Jomart Toqaev búgin qazaqstandyqtardy Sport kúnimen quttyqtady.

Joǵary qaraı