Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordany gazdandyrý jumysy nege baıaý júrip jatyr

2021 jyldyń 21 jeltoqsan 2021 15:24

NUR-SULTAN. QazAqparat – Astana halqyn tabıǵı gazben qamtý jumysy byltyr bastaldy. Degenmen búgin Nur-Sultan qalalyq máslıhaty qoǵamdyq keńesiniń otyrysynda belgili bolǵandaı, gazdandyrý jumysy baıaýlaǵan jáne turǵyndar tarapynan shaǵym az emes, dep habarlaıdy QazAqparat tilshisi.

Nur-Sultan qalalyq máslıhatynyń qoǵamdyq keńes múshesi Baýyrjan Smaılov elordany gazdandyrý jumysynyń barysyn synǵa aldy.

«Gazdandyrý jumysyna qatysty halyq tarapynan shaǵym kóp. Ásirese kún sýı bastaǵan mezgilde. Gaz tartýǵa jaýapty «QazTransGaz Aımaq» kompanııasy úlgermeı jatyr. Búginde qala boıynsha servıstik qyzmetti bir ǵana brıgada atqaryp jatyr. Búkil halyq úshin bir ǵana servıstik qyzmet, onyń sanyn nege kóbeıtpeıdi? Basqarma qaıda qarap otyr?», - dedi jıynda B. Smaılov.

Atalǵan máselege qatysty qalalyq otyn-energetıka kesheni jáne kommýnaldyq sharýashylyq basqarma basshysynyń orynbasary Rústem Zakarın pikir bildirdi.

«Sońǵy 3-4 aı ishinde 1 myńnan astam úıge gaz tartyldy. Gaz tartý boıynsha kelip túsip jatqan ótinishtiń sany kún sanap artyp jatyr. Jáne elordany gazdandyrýmen «QazTransGaz Aımaq» kompanııasy emes, «Intergaz Orta Azııa» degen kompanııa aınalysady. Gazdy úıge deıin jetkizý - solardyń mindeti. Siz aıtqan másele boıynsha biz búginde atalǵan kompanııanyń basshylyǵyna mamandar sanyn arttyrý týraly arnaıy hat joldadyq. ıAǵnı, jumys ónimdi bolýy úshin. Siz aıtqan «QazTransGaz Aımaq» - jeke kompanııa, ákimdikke baǵynbaıdy. Servıstik qyzmetti de kóbine jeke uıymdar júrgizedi. Memleket, ákimdik jeke kompanııalardyń ishki jumysyna aralasa almaıdy. Degenmen biz aýdandyq ákimdiktermen birlesip, bul máseleni sheshý jaǵyn qarastyryp jatyrmyz. Óz jumysyn josparǵa saı atqaryp jatqan kompanııalar bar, kerisinshe jumysy aqsap jatqan mekemeler de bar», - deıdi R. Zakarın.


Joǵary qaraı