Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordanyń qoǵamdyq kólikterine kondýktorlar qaıtadan shyǵarylmaıdy

2022 jyldyń 16 mamyr 2022 12:47

NUR-SULTAN. QazAqparat – Elordanyń qoǵamdyq kólikterine kondýktorlar qaıtadan shyǵarylmaıdy. Bul jaıynda City Transportation Systems (CTS) kompanııasynan málim etti, dep habarlaıdy QazAqparat tilshisi.

«Qazirgi ýaqytta kondýktorlardy qaıta shyǵarý máselesi qarastyrylyp otyrǵan joq. Óıtkeni, ony ótken ǵasyrdyń enshisindegi dúnıe dep sanaımyz. Avtobýstarda kondýktor qyzmet kórsetken kezde óte kóp syn bolǵan edi», - dedi kompanııanyń baspasóz hatshysy Naýat Azanbaeva agenttik tilshisine bergen suhbatynda.

Onyń atap ótýinshe, jolaqysyn tóleýdiń elektrondy júıesi bolmaǵan jáne kondýktorlar jumys istegen kezde qala boıynsha ortasha eseppen 350 myń sapar jasalatyn.

«Elektrondy júıege kóship, kondýktorlardy alyp tastaǵannan keıin bul tsıfr birden 750 myń saparǵa deıin jetti. ıAǵnı, 400 myń sapar qosyldy. Kondýktorlardy qaıtarý óte qaýipti protsedýra. Sebebi qaıtadan kólegeıli naryqqa ketip qalamyz. Oǵan jol berýge bolmaıdy», - dedi ol.

Kompanııa ókili burynǵy kondýktorlardy jumysqa ornalastyrý da oń sheshimin tapqanyn aıtady.

«Keıbir kondýktor avtobýs parkiniń baqylaý-jelilik qyzmetine jumysqa ornalassa, keıbiri bizde, STS kompanııasynyń kóliktik baqylaý departamentinde isteıdi. Olardyń qyzmeti – jolaqysynyń tólengenin tekserý, avtobýstardyń tehnıkalyq jaı-kúıin qadaǵalaý, júrgizýshilerdiń qaýipsizdik belbeýin taǵýyn, telefonmen sóılespeýin baqylaý», - dedi Naýat Azanbaeva.

Aıta keteıik, buǵan deıin Nur-Sultan qalalyq máslıhatynyń hatshysy Erlan Kanalımov elorda avtobýstaryna kondýktorlardy qaıtadan shyǵarý máselesin kótergen bolatyn.

Aıta keteıik, elordada jolaýshylar jol aqysyn eki jolmen tóleı alady – bul kólik kartasymen jáne QR-kodty skanerleý arqyly. Ol úshin ártúrli qosymshalar bar (Transcard, Kaspi.kz, Homebank, uıaly baılanys operatorlarynyń qosymshalary jáne taǵy basqa). Jol júrý quny 7 jyl boıy 90 teńge deńgeıinde saqtalǵan.



Avtor Marlan Jıembaı
Basty sózder: Qoǵam, Kólik,
Joǵary qaraı