Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordanyń mańyndaǵy aýyldarda jańa áleýmettik nysandar ashyldy

2021 jyldyń 18 qazan 2021 21:53

KÓKShETAÝ. QazAqparat - Táýelsizdiktiń 30 jyldyǵy aıasynda Arshaly aýdanynda Jibek joly aýylynda balabaqsha jáne Bulaqsaı aýylynda fýtbol sport alańy paıdalanýǵa berildi, dep habarlaıdy QazAqparat tilshisi oblystyq ishki saıasat basqarmasyna silteme jasap.

Aýdan ákimdiginiń málimetinshe, «Dana» jańa balabaqshasy 46 orynǵa shaqtalǵan. Eki qabatty, aýmaǵy 220 sharshy metr nysan «Jol kartasy - 2021» áleýmettik damý baǵdarlamasy sheńberinde salynǵan. Ǵımaratta 1,5 jastan 6 jasqa deıingi balalardyń deni saý bolyp damýy úshin barlyq jaǵdaı jasalǵan.

«Men árqashan balamnyń mektepke deıingi bilim alýyn, onyń jan-jaqty damýy úshin jaǵdaı jasalatyn ádemi, jyly, jaryq ǵımaratta bolǵanyn qalaıtynmyn. Bizge bul jerde barlyǵy unaıdy. Aýdan basshylyǵy men metsenattarǵa osyndaı syıy úshin alǵysym sheksiz», - deıdi aýyl turǵyny Dınara Temirǵalıeva.




Bulaqsaı aýylynda ashylǵan fýtbol sport alańy negizgi orta mektep aýmaǵynda ornalasqan. Nysan «Bulaqsaı» jaýapkershiligi shekteýli seriktestiginiń qarajaty esebinen salynǵan. Seriktestik quryltaıshysy Álibek Toqbaevtyń aıtýynsha, aýyldyq okrýgte buqaralyq sport belsendi damyp keledi, endi jastar men balalarǵa arnalǵan demalys oryn ashylyp otyr.

«Biz aýa-raıy jaǵdaıynda eń ońtaıly sheshim jasandy alań salý qajet dep sheshtik. Mundaı jabyndy alańda jyl mezgiline qaramaı oınaı berýge bolady. Ondaǵy shópti kesý jáne shabý qajet emes, qurǵatpaıdy, qatty jańbyrdan keıin nasharlamaıdy. Fýtbol alańynyń kólemi - shaǵyn fýtbol úshin qysqartylǵan. Fýtbol alańynyń aınalasyna eni 1,5 metr qıyrshyq tas tóselgen. Bolashaqta jaryq shamdaryn ornatý josparlanýda», - dedi Álibek Toqbaev.

Aıta ketsek, Arshaly aýdanynda Táýelsizdiktiń mereıtoılyq jylynda Qostomar jáne Volgodonovka aýyldarynda mektepke deıingi mekemeler ashyldy.





Joǵary qaraı