Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordanyń prezıdent saıabaǵyna 300 túp sakýra egildi

2022 jyldyń 13 mamyr 2022 17:58

NUR-SULTAN. QazAqparat - Nur-Sultan qalasyndaǵy prezıdent saıabaǵy aýmaǵynda endi Eurasian Resources Group-tiń (ERG) alleıasy japyraq jaıyp, jaıqalady.

Jyl saıynǵy «Ulttyq aǵash egý kúni» ekologııalyq naýqanyn qoldaý aıasynda búgin «Ornyqty damý» jer qorymen birlesip, aǵash etý sharasy ótti.

Ekologııalyq sharaǵa ERG-diń astanalyq keńseleriniń qyzmetkerleri men olardyń balalary, qoǵamdyq uıym ókilderi men jýrnalıster, eriktiler qatysty.

– Sakýra – Japonııanyń sımvolyna aınalǵan dekoratıvti shıe. Álemde onyń 200-den astam túri bar. Negizinen jyly jaqta jaqsy tamyr jaıady. Arasynda sýyqqa tózimdi túrleri de bar. Búgin shıeniń naqty sol túriniń kóshetterin ektik,- dedi «Ornyqty damý» jer qorynyń jetekshisi Alan Besen.

– Kóktemde sakýranyń gúldeýi tipten erekshe, ári Qazaqstan astanasynyń klımatyna ábden beıimdelgen. Muny aıtyp otyrǵanym, biz ákimdikpen birlese otyryp, búgin egilgen kóshetterdiń tamyr jaıyp, ósýine jaýaptymyz. Jersinip ketýin baqylap otyratyn bolamyz -

Bul Nur-Sultan qalasyndaǵy ERG-diń osymen úshinshi alleıasy. Byltyr kóktemde kompanııa qyzmetkerleri Ulttyq kordıologııa ortalyǵy aýmaǵyna keıin kúzde «Atatúrik» saıabaǵyna badam aǵashtaryn ekken bolatyn.




– Bizdiń uzaqmerzimdi ekologııalyq strategııamyzda Top kásiporyndary ornalasqan óńirlerdi kógaldandyrý da kózdelgen, - dedi ERG qorshaǵan ortany qorǵaý departamentiniń dırektory Talǵat Tórebekov.

– Tek bıyl, kóktem men kúzde Pavlodar, Qaraǵandy, Qostanaı jáne Aqtóbe oblystarynda, Shymkent, Almaty men Nur-Sultan qalalarynda jalpy sany 100 000 túp tal egý josparlanǵan.

ERG-diń Ekologııalyq strategııasy aıasynda 2025 jylǵa deıin Top kásiporyndar ornalasqan óńirlerde 420 000 tal egiledi. Jobaǵa josparlanǵan jalpy ınvestıtsııa – 1,5 mlrd teńgege jýyq.

– Shybyq shanshyp, aǵash egý – qalyptasqan ıgi dástúrlerdiń biri, - dedi Alan Besen.

– Mundaı sharalar túrli mańyzdy sebepter: erekshe eskeriletin datalar, jalpy qalalyq merekeler, jalpy qazaqstandyq senbilikter aıasynda turaqty túrde uıymdastyrylady. Jyl saıyn ıgi sharaǵa úles qosqysy keletin astanalyqtar sany artyp keledi. Elordany jaıqaltyp, bas qalany jasyl jelekpen kómkerýge úles qosyp jatqan ár adamǵa alǵys aıtamyn!




Esterińizde bolsa, «Ornyqty damý» jer qorynyń bastamasymen 2014 jyldyń sáýir aıynda alǵashqy «Ulttyq aǵash egý kúni» ótti. Sharanyń maqsaty – ormandardy qalpyna keltirip, qalalarda jasyl aımaqtardy abattandyrý, jurttyń ekologııalyq saýatyn arttyryp, Qazaqstannyń jasyl qoryn nyǵaıtý jobalaryna bıznestiń resýrstaryn jumyldyrý.





Basty sózder: Ekologııa, Nur-Sultan,
Joǵary qaraı