Aýa raıy
Astana 6 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

Elordanyń tanymal ári qyzyqty jerleri

2020 jyldyń 7 tamyz 2020 21:40

NUR-SULTAN. QazAqparat - Bıyl qala turǵyndary qoǵamdyq oryndarǵa barmaı, ashyq aspan aıasynda serýendeýdi ádetke aınaldyrǵan. Demalýshylar kóbine saıabaqtarǵa barǵandy jón kóredi. Endeshe elordada adamdar jıi baratyn mekenge aınalǵan birneshe orynǵa toqtalyp óteıik.

Karantın jaǵdaıynda turǵyndar men qala qonaqtary mýzeılerge, oıyn-saýyq ortalyqtaryna bara almaıtyny anyq. Sol sebepti qala ákimdiginiń saıty tilshileri elordadaǵy qyzyqty jerlerin bir sholyp shyqty, dep habarlaıdy QazAqparat.

Botanıkalyq baq





Otbasymen birge demalýǵa ári sportpen shuǵyldanýǵa qolaıly oryndardyń biri. Saıabaqta balalar oıyn alańy, trenajer, voleıbol jáne basketbol alańy bar. Sondaı-aq velojol men júgirý joly jáne sýburqaq ornatylǵan. Alýan túrli aǵashtardyń jalpy sany 95 myńǵa jetedi. Búginge deıin saıabaqta 2 jylyjaı, 45 myń sharshy metr alańdy quraıtyn jasandy sý qoımasy, jaıaý júrginshiler kópiri, velosıped jáne júgirý joldary salyndy.

Esil jaǵalaýy





Esil ózeniniń jaǵalaýy – elordalyqtardyń súıikti oryny. Erke esildiń jaǵasynda qalanyń ásem kórinisin tamashalap, ashyq aspan astynda serýen qurý turǵyndardyń úırenshikti ádetine aınalǵan. Jaǵalaý qala jastarynyń bas qosar mekeni – Arbatpen jalǵasyp, kóńildi demalysty kórikti ete túsedi. Ortalyq saıabaq

Bul jerde sportpen aınalysýǵa múmkindikter kóp. Saıabaqta velosıped, júgirýge arnalǵan jolaq bar. Trenajerlyq jabdyqtary bar alańqaı men balalarǵa arnalǵan oıyn alańdary da jetkilikti. Bul jerde aǵash kóp otyrǵyzylǵan. Qala turǵyndaryna ıogamen aınalysýǵa óte yǵaıly.

Kópir astyndaǵy art-keńistik





«Arqar» kópiriniń astyndaǵy alań elordanyń qyzyqty oryndarynyń birine aınaldy. Onda jańa art-ınstallıatsııalar, gúlzarlar, jaıaý júrginshiler men velosıped joldary jáne basketbol alańdary salynǵan. Sondaı-aq munda átkenshek-oryndyqtar, basketbolǵa arnalǵan ilmekter jáne eki strıtbol alańy paıda boldy. Bul orynǵa ásirese jastar jıi keledi.

Jetisý saıabaǵy





Almaty oblysynyń elorda mereıtoıyna tartýy qala turǵyndaryna kóterińki kóńil-kúı syılaıdy. Jetisý óńiriniń kórikti ári tarıhı jerleri bir saıabaq aýmaǵyna oryn tepken. ıAǵnı, Sharyn shatqaly men Tańbaly tasty, Jetisýdyń ózenderi men Almaty aportyn tamashalaýǵa bolady. Sondaı-aq saıabaqta sýburqaq pen uzyndyǵy 1,5 km bolatyn velojol, júgirý joldary jáne sport qurylǵylary men balalarǵa arnalǵan oıyn alańdary bar. Aıta ketsek, qazirgi kezde elordada jalpy aýdany 396,4 ga 9 park, aýdany 30 ga 4 jelekjol, sondaı-aq 131,9 ga 90 gúlbaq bar. Bıyl 50 qoǵamdyq keńistik (saıabaq, skverler, býlvar) pen 150-ge jýyq aýla abattandyralady.








Basty sózder: Nur-Sultan, Týrızm,
Joǵary qaraı