Aýa raıy
Astana -12 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Elordanyń Táýelsizdik dańǵylynda salynatyn jańa kópirdiń eskızi jarııalandy

2020 jyldyń 28 qazan 2020 15:21

NUR-SULTAN. QazAqparat - Táýelsizdik dańǵylynda jańa kópir salynady. Ol Táýelsizdik saraıynan Kereı, Jánibek handar kóshesine deıin jalǵasatyn bolady. Kópir Nur-Sultan qalasyndaǵy kólik qozǵalysyn aıtarlyqtaı azaıtady, dep habarlaıdy QazAqparat.

Ákimdiktiń málimetinshe , jańa kópirdiń eskızderin qalalyq ýrbanıstıka ortalyǵy ázirlegen.

Kópirdiń jalpy uzyndyǵy - 910 m, eni – 36 m, shamdardyń bıiktigi - 5-ten 16 metrge deıin jetedi. Kópir shamdary masaq túrinde jasalady.

Jobanyń negizgi ıdeıasy tyń jerlerdi ıgerý tarıhı oqıǵasymen baılanysty.

Kópirde ornalasqan tórt baǵan oıý-órnektermen bezendiriledi.




Kópirde trotýar jáne velosıped jolaqtary da qarastyrylǵan. Ol elordanyń oń jáne sol jaǵalaýyn jalǵaıdy.




Bul qurylys «Nur-Sultan-jaıly qala» master–jospary aıasynda júrgizilýde. Sonymen qatar, buqaralyq sportty damytý úshin jańa kópir astyndaǵy qoǵamdyq keńistik qurylady.

«Táýelsizdik dańǵylynan jalǵasatyn jańa kópir elordamyzdyń tarıhı ótkenin beıneleıdi. Kópir sol jáne oń jaǵalaýdy jalǵap, ákimshilik ortalyqtan jańa temirjol vokzalyna deıin jol júrý ýaqytyn qysqartyp, jolaýshylar aǵynyn jeńildetetini mańyzdy», - dep atap ótti Nur-Sultan qalasynyń ýrbanıstıka ortalyǵynyń basshysy Elnar Bazyken.







Jańa kópirdiń qurylysy kelesi jylǵa josparlanǵan.


Joǵary qaraı