Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eń tómengi zeınetaqy kúnkóris mınımýmynyń 70 paıyzyn quraıtyn bolady - mınıstrlik

2021 jyldyń 4 qazan 2021 09:55

NUR-SULTAN. QazAqparat - Eńbek jáne halyqty áleýmettik qorǵaý mınıstrligi zeınetaqy júıesin odan ári jańǵyrtýdyń 2030 jylǵa deıingi tujyrymdamasyna túzetýler ázirledi, dep habarlaıdy QazAqparat.

QR Eńbek jáne halyqty áleýmettik qorǵaý mınıstrligi Memleket basshysynyń tapsyrmasy boıynsha Qazaqstan Respýblıkasynyń zeınetaqy júıesin odan ári jańǵyrtýdyń 2030 jylǵa deıingi tujyrymdamasyna ózgerister men tolyqtyrýlar engizý boıynsha jumys júrgizýde.

Zeınetaqy júıesin odan ári jetildirý boıynsha usynystardy 2019 jyly Úkimet janynan qurylǵan jumys toby uzaq merzimdi aktýarlyq modelderdi qurý negizinde ázirledi.

Bul jumystyń mańyzdy baǵyty - eń tómengi kepildikter júıesin jetildirý.

Qoldanystaǵy tujyrymdama aıasynda 2028 jyldan bastap bazalyq zeınetaqy tóleminen eń tómengi kepildendirilgen zeınetaqyǵa kóshý kózdelgenin atap ótken jón.

Sondyqtan eń tómengi kepildik berilgen zeınetaqyny taǵaıyndaý tetigi belgili bir tustaryn jetildire otyryp, bazalyq zeınetaqyny taǵaıyndaýdyń qoldanystaǵy ádistemesine negizdelgen.

Qazaqstan Respýblıkasy Eńbekmıni áleýmettik saqtandyrý, bazalyq áleýmettik jáne zeınetaqymen qamsyzdandyrý saıasaty departamentiniń dırektory Vıktorııa Shegaıdyń aıtýynsha, qazirgi ýaqytta eń tómengi kepildendirilgen zeınetaqyny taǵaıyndaý tetigi pysyqtalýda, ol mynalardy kózdeıdi:

– eń tómengi mólsherdi eń tómengi kúnkóris deńgeıiniń 54%-nan 70%-na deıin ulǵaıtý usynylady;

- qatysýdyń eń az ótilin 10 jyldan 5 jylǵa deıin azaıtý;

- zeınetaqy mólsherin shekteýdi alyp tastaý (qazirgi ýaqytta eń joǵary shekteý qatysý ótili 33 jyl jáne odan kóp bolǵan kezde 1 ETKD-ni quraıdy).

Eń tómengi kepildendirilgen zeınetaqyǵa kóshý zeınetaqymen qamsyzdandyrý deńgeıin arttyrýdy, barlyq azamattarǵa qatysty biryńǵaı kózqarasty, eń tómengi kepildikter júıesin jetildirýdi, zeınetkerlik aldyndaǵy jáne zeınetkerlik jastaǵy azamattardyń eńbek qatynastaryn jáne jumyspen qamtylýyn yntalandyrýdy qamtamasyz etýge múmkindik beredi, bul halyqaralyq sarapshylardyń usynymdaryna sáıkes keledi.

«Bul rette tujyrymdamada zeınetkerlik jasqa jetken adamdar úshin zeınetkerlikke shyǵýdy «keıinge qaldyrý» quqyǵyn berý kózdeledi. Bul bolashaqta eń tómengi kepildendirilgen zeınetaqyny joǵary mólsherde alýǵa múmkindik beredi, óıtkeni zeınetkerlik jasqa jetkennen keıingi eńbek kezeńderi onyń mólsherin anyqtaý kezinde eskeriledi», – dedi Vıktorııa Shegaı.



Joǵary qaraı