Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eńbek jaraqatynan múgedek bolǵan adamdardy ońaltý tártibi retteledi

2021 jyldyń 16 qyrkúıek 2021 10:08

NUR-SULTAN. QazAqparat – Ońaltýdyń tehnıkalyq quraldarymen jáne qyzmetterimen ýaqtyly qamtamasyz etý tártibi retteledi. Bul týraly Senattyń jalpy otyrysynda azamattardyń jekelegen sanattaryn áleýmettik qorǵaý máseleleri boıynsha zań jobasyn birinshi oqylymda talqylaý kezinde QR Eńbek jáne halyqty áleýmettik qorǵaý mınıstri Serik Shápkenov málim etti, dep habarlaıdy QazAqparat tilshisi.

Mınıstrdiń aıtýynsha, jumys berýshiniń óz mindettemelerin oryndaý múmkin bolmaǵan jaǵdaıda, eńbek jaraqatynan múgedek bolǵan adamdardy memleket esebinen ońaltýdyń tehnıkalyq quraldarymen (OTQ) jáne qyzmetterimen qamtamasyz etý zań jobasynyń taǵy bir jańashyldyǵy bolyp otyr.

«Qazirgi ýaqytta jumys berýshi, ıaǵnı jeke kásipkerdiń qyzmeti toqtatylǵan nemese zańdy tulǵa taratylǵan jaǵdaıda bul mindettemeler memleketke ótedi. Bul rette kásiporyn qyzmeti toqtap turǵan kezeńde nemese bankrottyq rásimderin júrgizý kezinde múmkindigi shekteýli jandar ońaltýdyń tehnıkalyq quraldaryn alý múmkindiginen aıyrylǵan. Kóbinese bankrot jumystary 1,5 jylǵa deıin sozylýy múmkin», - dedi S. Shápkenov.

Atalǵan merzimde óndiriste múgedektik alǵan adam ońaltýdyń tehnıkalyq quraldarynsyz qalady.

«Bul baǵyttaǵy qadamdar 2 myńǵa jýyq adamdy ońaltýdyń tehnıkalyq quraldarymen jáne qyzmetterimen ýaqtyly qamtýǵa múmkindik beredi», - dedi mınıstr.


Joǵary qaraı