Aýa raıy
Astana -17 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Endi ekouryqtandyrý MÁMS esebinen júrgiziledi

2020 jyldyń 28 qazan 2020 16:53

ALMATY. QazAqparat - Qazaqstanda ekouryqtandyrý protsedýrasyn mindetti medıtsınalyq saqtandyrý aıasynda tegin jasaýǵa bolady, dep habarlaıdy QazAqparat.

Qazaqstanda ekstrakorporaldy uryqtandyrý protsedýrasynyń qoljetimdiligi artty. Buǵan deıin kepildendirilgen tegin medıtsınalyq kómek sheńberinde ǵana jasalatyn joǵary tehnologııalyq qyzmettiń bul túri bıyldan bastap mindetti áleýmettik medıtsınalyq saqtandyrý paketine endi.

Bul týraly «Áleýmettik medıtsınalyq saqtandyrý qory» KEAQ Almaty qalalyq fılıaly habarlady.

Jasandy uryqtandyrý – urpaq órbitýdiń álemde keń taralǵan ári eń zamanaýı tásilderiniń biri. Dúnıejúzinde 40 jyldan beri paıdalanylyp kele jatqan bul ádis Qazaqstanda 1996 jyldan bastap qoldanysqa engizilgen bolatyn.

Búgingi kúni elimizde ekstrakorporaldy uryqtandyrý tásilimen 22 myń bala dúnıege keldi. Aldy búginde ata-ana atanyp ta úlgerdi. Al, bedeýlikke baılanysty tirkeýde turǵan áıelder sany 9 myńnan asady.

Fılıal dırektory Tileýhan Ábildaevtyń aıtýynsha, ekstrakorporaldy uryqtandyrý baǵdarlamasy 2010 jyldan bastap kepildendirilgen tegin medıtsınalyq kómek paketine engizilipti.

Al, jyl basynan beri engizilgen MÁMS paketi kópshiliktiń qaltasy kótere bermeıtin bul qyzmettiń qoljetimdiligin arttyryp otyr.

«2020 jyly Almaty qalasy boıynsha EKO protsedýralaryna 527,3 mln teńge bólingen. Oǵan 615 uryqtandyrý baǵdarlamasy jasalýy tıis. Búgingi kúnge deıin 259 áıel atalǵan baǵdarlamaǵa qatysyp úlgerdi», - deıdi fılıal basshysy.

Bıyl ońtústik astana boıynsha atalǵan baǵdarlamaǵa 5 medıtsına uıymy qatysyp jatyr. Olardyń bári de Medıtsınalyq saqtandyrý qorymen kelisimshart bekitken.

«Ekstrakorporaldy uryqtandyrý ádisi – álemde beleń alyp jatqan bedeýlik problemasyna qarsy kúrestiń eń tıimdi tásilderiniń biri. Ol áıelder men erlerde kezdesetin bedeýliktiń kez-kelgen túrin jeńip shyǵýǵa múmkindik beredi. Zamanaýı reprodýktıvtik tehnologııalar bala súıýden kúder úzgen adamdarǵa úmit syılaıtyn kezderi az emes», - deıdi dáriger akýsher-gınekolog, reprodýktolog Anastasııa Rybına.

Aıtýynsha, osyndaı jandardyń biri kvota kezegin 2 jyl kútken. Oǵan deıin birneshe ret jasalǵan uryqtandyrý baǵdarlamasynan nátıje shyqpapty. Osy baǵdarlama arqasynda boıyna bala bitken kelinshek búginde ana bolýǵa daıyndalyp jatyr, deıdi dáriger.

Esterińizge sala ketsek, kvota boıynsha EKO baǵdarlamasyna qatysý úshin tirkelgen emhana arqyly arnaıy esepke turý qajet. Tıisti kórsetilimder bolǵan jaǵdaıda dárigerler kvotaǵa kezekke qoıady.

Qazaqstanda ekstrakorporaldy uryqtandyrý protsedýrasynyń qoljetimdiligi artty.

Buǵan deıin kepildendirilgen tegin medıtsınalyq kómek sheńberinde ǵana jasalatyn joǵary tehnologııalyq qyzmettiń bul túri bıyldan bastap mindetti áleýmettik medıtsınalyq saqtandyrý paketine endi.

Bul týraly «Áleýmettik medıtsınalyq saqtandyrý qory» KEAQ Almaty qalalyq fılıaly habarlady.

Bıyl Almaty qalasy boıynsha EKO protsedýralaryna 527,3 mln teńge bólingen. Oǵan 615 uryqtandyrý baǵdarlamasy jasalýy tıis.

Búgingi kúnge deıin 259 áıel atalǵan baǵdarlamaǵa qatysyp úlgerdi.


Joǵary qaraı