Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Energetıka mınıstri maınıng fermalardy ulttyq elektr júıesinen bólip tastaýdy usyndy

2022 jyldyń 20 mamyr 2022 14:08

NUR-SULTAN. QazAqparat – QR Energetıka mınıstri maınıng fermalardy ulttyq elektr júıesinen bólip tastaýdy usyndy, dep habarlaıdy QazAqparat tilshisi.

«Bul ázirge oı-pikir deńgeıinde ǵana qaralyp jatyr. Naqty shara bolýy úshin zańdy túrde bekitý kerek. Zańnyń ózinen bastap, zańnan týyndaıtyn erejelerge túzetýler engizilýi kerek. Sebebi maınıngtiń quny ósetin bolsa, elektr qýatynyń tapshylyǵy týyndaýy múmkin. Ony boldyrmaý úshin aldyn ala shara engizýimiz qajet. Bizdiń oıymyz, birinshiden, maınıng naryǵy syrttan keletin ımporttyq elektr qýatyn tutynýshy dep tanylýy kerek», - degen mınıstr Nur-Sultan qalasynyń turǵyndarymen kezdesýinen keıin BAQ ókilderine bergen málimetinde.




Aıtýynsha, bolashaqta maınıng kásiporyndary ulttyq elektr júıesinen tysqary stansalar quryp, sol arqyly elektr tutyna alýy múmkin.

«Sondaı-aq, balamaly energııanyń quny da biraz qymbat. Ony da maınıng salasynyń kásiporyndary tutynady dep engizýge bolady. Maınıngpen aınalysatyn kásipkerler óz atynan, óz aqshasymen stansa quratyn bolsa jáne bul stansa ulttyq elektr júıesine kirmeı, ózderi tutynýshy retinde alatyn bolsa, oǵan eshqandaı tyıym joq. Ony da jasaýǵa bolady. Osyndaı jolmen, baǵyttarmen sheshýge bolady dep oılaımyz», - dedi Bolat Aqsholaqov.




Buǵan deıin QR Ulttyq ekonomıka mınıstriniń orynbasary Azamat Ámrın maınıng salyǵyn kóbeıtýdi kózdeıtin zań jobasy kelesi aıda daıyn bolatynyn aıtqan edi.

















Joǵary qaraı