Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Energetıka mınıstrligi elorda áýejaıynyń avıaotyn joq degen dabylyna jaýap berdi

2021 jyldyń 27 qazan 2021 21:55

NUR-SULTAN. QazAqparat – QR Energetıka mınıstrligi avıaotynmen qamtamasyz etý jumystary jóninde málimdeme jasady, dep habarlaıdy QazAqparat tilshisi.

«Nur-Sultan qalasynyń áýejaıyn avıaotynmen qamtamasyz etý boıynsha qazirgi jaǵdaıǵa qatysty Energetıka mınıstrligi qyrkúıek aıynyń basynda áýejaılar men avıakompanııalardy Pavlodar munaıhımııa zaýytynda josparlanǵan jóndeý jumystary týraly habardar. Elordadaǵy áýejaıda týyndaǵan máseleni sheshý maqsatynda mynadaı sharalar qabyldandy:

«Qazan aıynda Munaı óńdeý zaýyttarynda qosymsha 2000 tonna avıaotyn shyǵarylady, onyń ishinde Nur-Sultan qalasynyń áýejaıyna qosymsha kólem bólinetin bolady;

- Іri jetkizýshiler qarashaǵa arnalǵan kólemder boıynsha jedel kelisimsharttar jasasady jáne munaı óńdeý zaýyttarynan jóneltýdi jedeldetedi;

- Sondaı-aq, iri jetkizýshilerdiń biri Nur-Sultan áýejaıyna qosymsha 700 tonna avıaotyn jetkizedi.

Osy oraıda, áýejaılar tarapy qajet otyn kólemin tek qana iri emes, sonymen qatar shaǵyn jetkizýshilerden kommertsııalyq baǵamen satyp alýy qajet», - dep habarlady QR Energetıka mınıstrliginiń baspasóz qyzmeti.

Buǵan deıin Nursultan Nazarbaev halyqaralyq áýejaıy avıajanarmaı tapshylyǵynan áýejaıdyń úzdiksiz jumysy toqtaýy múmkin dep dabyl qaqqan bolatyn.



Joǵary qaraı