Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Epıdahýaldy baqylaý óńirlik shtabtarynyń jumysyn kúsheıtý kerek – Eraly Toǵjanov

2021 jyldyń 30 qarasha 2021 09:49

NUR-SULTAN. QazAqparat – Elimizde maýsymdyq tumaý jáne JRVI-diń taralý jıiligi 1,4 esege artyp otyr. Bul týraly Úkimet otyrysynda QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.

«Jańa «Omıkron» shtamynyń anyqtalýy álemdegi kóptegen elde alańdaýshylyq týdyrýda. Birqatar Eýropa eli, Sıngapýr, Izraıl qatań shekteý is-sharalaryn qabyldap otyr. Dúnıejúzilik densaýlyq saqtaý uıymynyń aldyn ala derekterine sáıkes, jańa shtamm «Delta» nusqasynan da qaýipti jáne tez taralady. Sondyqtan shtammnyń elimizdiń aýmaǵyna enýiniń aldyn alýǵa baǵyttalǵan is-sharalardy qoldaýdy suraımyz. Usynylǵan shekteý is-sharalary vedmostvoaralyq komıssııanyń otyrysynda qaralyp, maquldandy. Sonymen qatar bıyl maýsymdyq tumaý jáne JRVI-diń taralý jıiligi 2019 jylmen salystyrǵanda 1,4 esege artyp otyr. Osyǵan oraı jáne álemdegi jaǵdaıdy eskere otyryp, barlyq ákimdikten sanıtarlyq talaptardyń oryndalýyna baqylaýdy kúsheıtýdi suraımyz», - dedi vıtse-premer.

Eraly Toǵjanov birinshiden qoǵamdyq oryndarda áleýmettik qashyqtyq pen maska rejımi boıynsha túsindirme jumystaryn arttyrý qajettigin basa aıtty. Bul rette monıtorıng toptardyń jumysyn jandandyrý qajet.

«Ekinshiden, koronavırýsqa qarsy vaktsına jáne revaktsınatsııa alýǵa shaqyrý aqparattyq jumystaryn kúsheıtý óte mańyzdy. Azamattardyń vaktsına alýy úshin qolaıly jaǵdaı qamtamasyz etilýi tıis. Úshinshiden, ákimdikter óńirdegi ınfektsııanyń taralý deńgeıine kúndelikti taldaý júrgizip otyrýy qajet. Bul úshin epıdemıologııalyq ahýaldy baqylaý jónindegi óńirlik shtab jumystaryn kúsheıtýdi suraımyz», – dedi ol.


Joǵary qaraı