Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Epıdemıologtar Qazaqstan turǵyndaryna merekeni eshqaıda shyqpaı, otbasynda qarsy alýdy usyndy

2022 jyldyń 20 naýryz 2022 00:50

NUR-SULTAN. QazAqparat – Sanıtarlyq epıdemıologııalyq qadaǵalaý komıtetiniń resmı ókili Erjan Baıtanaev Naýryz merekesi qarsańynda el turǵyndaryna úndeý jasady. Ol koronavırýs ınfektsııasyn juqtyrýdyń aldyn alý maqsatynda adamdarmen qarym-qatynasty azaıtýǵa keńes berdi.

Resmı ókil bul týraly óziniń Facebook -tegi paraqshasynda jazdy, dep habarlaıdy QazAqparat.

«Qurmetti dostar! Aldyda mereke kúnderi kele jatyr. Elimiz kóktemniń eń bir jyly da shýaqty merkeleriniń biri – Naýryz meıramyn qarsy alady. Soǵan qaramastan men taǵy da ózimniń jáne áriptesterimniń atynan sizderdi mereke kezinde vırýs juqtyryp, jaısyz jaǵdaıǵa tap bolmaýdyń aldyn alý úshin merekeni múmkindiginshe otbasynda qarsy alýǵa keńes beremin. Osylaısha, adamdarmen qarym-qatynasty múmkindiginshe azaıtqan durys. Elde koronavırýspen baılanysty jaǵdaı ońalyp keledi. Osyǵan qaraı túrli is-sharalardy uıymdastyrýǵa resmı túrde ruqsat etilgen. Alaıda biz koronavırýs pen onyń shtamdarynyń joǵalyp ketpegenin esten shyǵarmaýymyz kerek. Pandemııa áli jalǵasýda. Vırýs mýtatsııaǵa ushyrap, jańa shtamdar paıda bolyp jatyr. Mysaly Qytaıda «stels-omıkron» shtamy taraı bastady. 17 mln halyq turatyn Shenchjen qalasynda adamdardy oqshaýlap, memlekettik mekemeler qashyqtan jumys isteýge kóshti. Adamdardyń tynys-tirshiligin qamtamasyz etetin qyzmetterden basqa mekemeler men kásiporyndardyń barlyǵy jumysyn toqtatyp jatyr. Biz bunyń barlyǵynan óttik. Elimiz «jasyl» aımaqqa endi. Soǵan qarmastan jaǵdaı osylaı boldy dep arqany keńge salýǵa bolmaıdy. Múmkindiginshe saqtyq sharalaryn nazarda ustańyzdar!»-dedi E.Baıtanaev.

Sondaı-aq ol mereke kezinde koronavırýstan basqa taǵamnan ýlanýdyń da qaýipti ekenin eske saldy.

«Sondyqtan tutynylatyn taǵamnyń jaramdylyq merzimine nazar aýdaryńyzdar. Ár adam densaýlyǵy úshin ózi jaýap beredi. Sol sbeepti sizder birinshi kezekte ózderińizdiń densaýlyqtaryńyz úshin jaýaptysyzdar. Mereke vaktsına alyp, al ony alǵandarǵa revaktsınatsııadan ótýdiń tamasha múmkindigi degim keledi»,-dedi Sanıtarlyq-epıdemıologııalyq qadaǵalaý komıtetiniń resmı ókili.


Joǵary qaraı