Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Epıdjaǵdaı nasharlaýda: Altaı Kólginov qala turǵyndaryna úndeý jasady

2022 jyldyń 12 qańtar 2022 00:04

NUR-SULTAN. QazAqparat - Nur-Sultan ákimi Altaı Kólginov sońǵy kúnderi qalada epıdemıologııalyq ahýal nasharlaı túskenin málim etti. Ol sondaı-aq turǵyndardy vaktsınatsııadan jáne revaktsınatsııadan ótýge shaqyrdy, dep habarlaıdy QazAqparat.

«Qurmetti qala turǵyndary!

Qalada qaýipsizdik pen quqyqtyq tártipti qamtamasyz etý boıynsha ahýal turaqty. Alaıda, sońǵy kúnderi epıdemıologııalyq jaǵdaı kúrt nasharlap ketti. Elorda «qyzyl» aımaqqa ótti.

Eger buǵan deıin koronavırýs juqtyrýdyń táýligine orta eseppen 100-ge jýyq jaǵdaıy tirkelse, qazir bul kórsetkish 1200-den 1,5 myńǵa deıin ózgerdi! Kúnine 100-ge jýyq naýqas aýrýhanaǵa jatqyzýdy qajet etedi. Bul jaı ǵana san emes, onyń árqaısysynyń artynda ár azamattyń densaýlyǵy tur. Al bul qalanyń medıtsınalyq mekemelerine úlken júkteme!», - dep jazdy A.Kólginov Instagram-da.

Onyń aıtýynsha, elordada vırýstyń jańa «omıkron» shtamy tirkelgeli ahýal kúrt nasharlaǵan.

«Kalamyzda koronavırýstyń jańa shtamy – «omıkron» paıda bolǵaly beri naýqastar qatary kúrt óskenin baıqap otyrmyz. Dárigerler aıtqandaı, bul jaǵdaı ótken merekelik kúndermen tikeleı baılanysty. Omıkron shtamy jyldam taraıdy, barlyq jastaǵy adamǵa juǵady. Jedel medıtsınalyq járdem stantsııasyna táýligine 4,5 myńnan asa adam júginedi, shaqyrýlar – 2 myńnan astam.

Búgin №10 emhanaǵa bardym. Negizgi kúsh qalanyń emhanalaryna túsip otyr. Ambýlatorııalyq qyzmetterdiń jumysyn kúsheıtýdi tapsyrdym. Osyǵan deıin koronavırýspen aýyratyn naýqastardyń úıine qatynaıtyn mobıldi brıgadalardyń sany 300-ge deıin artqan. Sol sııaqty qalanyń medıtsınalyq mekemeleri qosymsha jabdyqtarmen jáne dári-dármektermen jabdyqtalǵan.

Qosymsha taǵy 4 aýrýhanaǵa ınfektsııalyq statsıonarlar ornalastyryldy. Bul bizge tósek sanyn eki ese arttyrýǵa múmkindik berip otyr. Jalpy alǵanda 1200-den astam tósek-oryn bar.

Naýqastar sanynyń odan ári ósýine jol bermeý úshin qala turǵyndaryn sanıtarlyq normalardy qatań saqtaýǵa, adam kóp jınalatyn oryndarǵa barmaýǵa, bir-birine qonaqqa barmaýǵa, iri otyrystarǵa qatyspaýǵa shaqyramyn», - dedi Nur-Sultan basshysy.

Sondaı-aq Altaı Kólginov qala turǵyndaryn vaktsınatsııadan jáne revaktsınatsııadan qarqyndy ótýge úndedi.


Joǵary qaraı