Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eraly Toǵjanov balalardyń qaýipsizdigin qamtamasyz etý úshin qabyldanǵan is-sharalardy atady

2021 jyldyń 21 maýsym 2021 13:21

NUR-SULTAN. QazAqparat – Búgin QR Parlamenti palatalarynyń birlesken otyrysynda Premer-Mınıstrdiń orynbasary Eraly Toǵjanov balalardyń qaýipsizdigin qamtamasyz etý úshin qabyldanǵan is-sharalardy atady, dep habarlaıdy QazAqparat tilshisi.

«Qazanda bolǵan oqys jaǵdaıǵa baılanysty birden arnaıy otyrys ótken bolatyn. Onda birneshe naqty sheshim qabyldandy. Birinshi sheshim normatıvtik-quqyqtyq baǵytty kúsheıtýge baılanysty. Onyń ishinde naqtyraq aıtar bolsaq, elimizde 6500-ge jýyq mektep, 800-ge jýyq densaýlyq saqtaý jáne 500-ge jýyq mádenıet nysanyndaǵy qaýipsizdikke qatysty naqty is-sharalar qabyldandy. Ekinshi sheshim oqys jaǵdaı nemese daǵdarys bolǵanda mekteptegi muǵalimder men oqýshylardyń is-qımylyna baılanysty naqty algorıtm qabyldandy. Úshinshi sheshim joǵaryda atalǵan nysandardyń materıaldyq-tehnıkalyq bazasyna qatysty boldy», - dedi Eraly Toǵjanov depýtattardyń saýalyna oraı.

Onyń atap ótýinshe, ótken jyly elimizdegi mektepter 100 paıyz beınebaqylaý kamerasymen jabdyqtalǵan.

«Biraq naqty taldamanyń aıasynda olardyń 23 paıyzyn qaıta qarastyrý qajettigi anyqtaldy. Onyń bári oqý jyly bastalǵansha qalypqa keltiriledi. Sonymen qatar mektepterdegi agressıvtik minez-qulyqty tómendetýge baǵyttalǵan is-sharalar qabyldanady. Kıberbýllıgke baılanysty máselelerdi de qarastyramyz. Internet resrýstardy da jan-jaqty baqylap otyrmyz. Qysqa ýaqyttyń ishinde 5 myńǵa jýyq zańǵa qaıshy jumys isteıtin resýrstar anyqtaldy», - dedi Úkimet basshysynyń orynbasary.


Joǵary qaraı