Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eraly Toǵjanov koronavırýsty emdeý hattamasy nege birneshe márte ózgergenin túsindirdi

2021 jyldyń 16 maýsym 2021 18:32

NUR-SULTAN. QazAqparat – Medıtsına qyzmetkerleri kúnine arnalǵan kezdesýde Premer-Mınıstrdiń orynbasary Eraly Toǵjanov koronavırýsty emdeý hattamasy nege 11 ret ózgertilgenin túsindirdi, dep habarlaıdy QazAqparat.

«Osy sátti paıdalanyp, pandemııamen kúresý arqyly Qazaqstannyń bolashaǵyna ólsheýsiz úles qosqan birqatar azamatqa alǵys aıtqym keledi. Onyń ishinde Nur-Sultan qalasynyń bas ınfektsıonıst dárigeri Atyǵaeva Sáýle Qabıqyzy pandemınyń birinshi kúnine bastap ınfektsııalyq gospıtalge basshylyq jasap, 2000-nan astam aýyr jaǵdaıdaǵy naýqasty emdeýge atsalysty. Almaty qalasyndaǵy Jekenov atyndaǵy ınfektsııalyq aýrýhananyń dárigeri Otaǵanova Tamara Qustaıqyzy 1000-nan astam aýyr dárejeli naýqasty emdep shyqty. Qaraǵandy medıtsına ýnıversıtetiniń professory Kýcherova Baqyt Nuralyqyzy koronavırýs vırýsyn emdeýdiń klınıkalyq hattamasyn ázirleý tobyna jetekshilir etip, 100-den asa vebınar ótkizdi», - dedi vıtse-Premer.

Eraly Toǵjanov byltyrǵy naýryz aıynan beri koronavırýspen kúreske tartylǵan medıtsına qyzmetkerlerine 180 mlrd teńge ústemeaqy tólengenin eske saldy.

«Ashyǵyn aıtqanda, ońaı bolǵan joq edi. Hattamany birneshe ret ózgertýge týra keldi. Qysqa ýaqyttyń ishinde hattama 11 ret aýystyryldy. Bul biz ǵana qabyldaǵan sheshim emes. Búkil álem dárigerleriniń, Dúnıejúzilik densaýlyq saqtaý uıymynyń tikeleı sheshimderine baılanysty osylaı boldy. 840 medıtsına qyzmetkeri Memleket basshysynyń sheshimimen «Halyq alǵysy» medalimen marapattaldy. Koronavırýs ınfektsııasymen kúreske tikeleı qatysqan medıtsına qyzmetkerlerine ótken jyldyń naýryz aıynan bastap jalpy somasy 180 mlrd teńge ústemeaqy tólendi», - dedi Premer-Mınıstrdiń orynbasary.

Joǵary qaraı