Aýa raıy
Astana 23 °S
Almaty 31 °S
valıýta baǵamy
USD 412.55
EUR 468.66
RUB 5.79
CNY 58.80

Eraly Toǵjanov: KVI-den qaıtys bolǵandardy jasyryp qalý múmkin emes

2020 jyldyń 5 shilde 2020 23:10

NUR-SULTAN. QazAqparat - Koronavırýs indetinen qaıtys bolǵandardy jasyryp qalý múmkin emes. Bul týraly QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.

«Búginde eshkim eshteńeni jasyraıyn dep otyrǵan joq. Ásirese, qaıǵyly jaǵdaıǵa aparatyn dúnıeniń bárin jasyrý múmkin emes qoı. Sondyqtan onyń bári qaralady, baǵa beriledi. Bul - bir. Ekinshiden, osy epıdemıologııalyq ahýalǵa, koronavırýsqa baılanysty ár oblystyń jaǵdaıy kúnde tańerteńgi 9-00-de shtabta arnaıy qaralady. Onyń ishinde oblystaǵy jaǵdaı, sol oblystaǵy aýdan ne bolmasa iri kompanııadaǵy jaǵdaı qaralýy múmkin», - dedi Eraly Toǵjanov Ortalyq kommýnıkatsııalar qyzmetindegi brıfıng barysynda.

Onyń atap ótýinshe, búgin máselen, Atyraý oblysy arnaıy qaralǵan. Óıtkeni bul oblysta bir táýlikte 371 adam koronavırýs juqtyrǵan. Bul Qazaqstan óńirleri ishindegi eń joǵary kórsetkishterdiń biri sanalady.

«Soǵan baılanysty 5 aýdandaǵy, onyń ishinde TShO sııaqty kompanııadaǵy jaǵdaı tereń taldanyp, elge jetkizilip otyr. Sondyqtan bir de bir jaǵdaıdy jasyryp qalý múmkin emes. Onyń eshkimge qajeti de joq. Memleket ashyq qarap, elge jetkizedi. Ol halyq úshin, eldiń bolashaǵy úshin kerek», -dedi Eraly Toǵjanov.

Aıta keteıik, brıfıng barysynda BAQ ókilderi nelikten KVI-den qaıtys bolǵandar statıstıkasy bir aptadaǵy derekter boıynsha jarııa etiletinin suraǵan bolatyn.

Joǵary qaraı