Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eraly Toǵjanov: Medıtsına qyzmetkerleri 380 myń adamdy koronavırýstan emdep shyǵardy

2021 jyldyń 16 maýsym 2021 17:37

NUR-SULTAN. QazAqparat – Pandemııa kezinde mobıldi jasaqtar 750 myń ret úılerge baryp járdem kórsetken, dep habarlaıdy QazAqparat tilshisi.

Bul týraly Premer-Mınıstrdiń orynbasary Eraly Toǵjanov Elbasy kitaphanasynda ótken medıtsına qyzmetkerlerimen kezdesýde aıtty.

«Pandemııa kezinde medıtsına qyzmetkerleri óz densaýlyǵyn qaterge tige júrip, vırýspen kúrestiń aldyńǵy shebinde boldy. Bul jumystyń nátıjesi – myńdaǵan qutqarylǵan ómir. Pandemııa kezinde 380 myńnan astam adam koronavırýs ınfektsııasynan emdelip, jazylyp shyqty. Medıtsına qyzmetkerleriniń kúsh-jigeriniń arqasynda eldegi epıdemıologııalyq jaǵdaıdy turaqtandyrýǵa múmkindik týdy. Qysqa merzim ishinde azamattarymyzdyń densaýlyǵyn saqtaýǵa baǵyttalǵan aıtarlyqtaı kúsh pen qarajat jumyldyryldy. Qysqa merzimde halyqaralyq standarttarǵa saı keletin 16 juqpaly aýrýlar aýrýhanasy salyndy», - dep atap ótti Vıtse-Premer.

Úkimet basshysynyń orynbasary bul kezeńde óńirlerge 1200-den astam sanıtarlyq avtokólik, 100 jyljymaly medıtsınalyq keshen jiberilgenin atady.

«Qysyltaıań shaqta 3,6 myńnan astam mobıldi brıgadanyń jumysy jolǵa qoıyldy. Ótken jyly mobıldi brıgadalar 750 myńnan astam naýqastyń úıine baryp qyzmet kórsetti», - dedi Eraly Toǵjanov.


Joǵary qaraı