Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eraly Toǵjanov pen BUU Bas hatshysynyń kómekshisi yntymaqtastyqtyń basym baǵyttaryn talqylady

2021 jyldyń 14 qazan 2021 21:01

NUR-SULTAN. QazAqparat - Búgin QR Premer-Mınıstriniń orynbasary Eraly Toǵjanov BUU Bas hatshysynyń kómekshisi jáne BUU DB-nyń Eýropa men TMD boıynsha óńirlik bıýrosynyń dırektory Mırıana Spolıarıch Eggermen kezdesti.

Kezdesýde Qazaqstan Respýblıkasy Úkimeti men BUU DB yntymaqtastyǵynyń basym baǵyttary talqylandy, dep habarlaıdy QazAqparat Úkimettiń baspasóz qyzmetine silteme jasap.

Kezdesý barysynda Premer-Mınıstrdiń orynbasary E. Toǵjanov áleýmettik baǵyttyń, onyń ishinde densaýlyq saqtaý, bilim berý jáne áleýmettik qamtamasyz etý salalary boıynsha ózara yntymaqtastyqtyń mańyzdylyǵyn atap ótti.




Pandemııa kezinde júrgizilip jatqan birlesken jumysqa erekshe nazar aýdaryldy. BUU qoldaýynyń arqasynda zamanýı medıtsınalyq qurylǵylarmen jabdyqtalǵan B sanatyndaǵy 5 jedel járdem mashınasy satyp alyndy. COVID-19 vırýsynyń taralý qaýpine shuǵyl den qoıý jobasy sheńberinde Qazaqstan tarapyna 190 myń medıtsınalyq jıyntyq (jeke dári qobdıshalary) berildi.

Spolıarıch Egger hanym Qazaqstan Úkimetimen damýdyń keń spektrindegi, sonyń ishinde BUU-nyń ornyqty damý maqsattaryna qol jetkizý boıynsha qabyldanyp jatqan sharalar boıynsha ózara tyǵyz is-qımyldy atap ótti. Ol Áleýmettik kodeks jobasyn ázirleý, Qazaqstannyń tsıfrlyq transformatsııa, tabıǵatty qorǵaý qyzmetin basqarý salasyndaǵy kúsh-jigeri, jasyl ekonomıkaǵa kóshýge umtylysy boıynsha júrgizilip jatqan jumystaryn joǵary baǵalady.




Taraptar yntymaqtastyqty odan ári kúsheıtýdiń mańyzdylyǵyn jáne BUU DB-men ulttyq jáne jergilikti deńgeılerde el damýynyń basym baǵyttary boıynsha jumysty jalǵastyrý nıetin atap ótti.

Egger hanymnyń aıtýynsha, BUU DB Qazaqstandaǵy negizgi transformatsııalyq úderisterdi qoldaýdy jalǵastyrady. Іs-sharaǵa sheteldik taraptan ıA. Berısh – Qazaqstandaǵy BUU Damý baǵdarlamasynyń turaqty ókili, V. Vremısh – Qazaqstandaǵy BUU Damý baǵdarlamasynyń turaqty ókiliniń orynbasary qatysty.


Joǵary qaraı