Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eraly Toǵjanov Jambyldaǵy jarylystan zardap shekkenderge kómek kórsetý jumystarymen tanysty

2021 jyldyń 10 qyrkúıek 2021 09:25

NUR-SULTAN. QazAqparat - Eraly Toǵjanov áskerı qoımalardaǵy jarylystan zardap shekken Baızaq aýdanynyń turǵyndaryna kómek kórsetý jáne qalpyna keltirý jumystarymen tanysty, dep habarlaıdy primeminister.kz.

Vıtse-Premer ınspektsııa barysynda kentti qalpyna keltirý tolyq qarqynmen júrgizilip jatqanyna kóz jetkizdi. Bul sharalarǵa 185 adam men 23 arnaıy tehnıka jumyldyrylǵan. Qazirdiń ózinde 62 jeke qurylystyń jóndeý jumystary aıaqtaldy.




Jibek joly aýylynda 150 oryndyq jańa mektep salý jumystary bastaldy. Sondaı-aq Úshbulaq jáne Bazarbaı aýyldaryndaǵy mektepter demeýshilik qarajat esebinen qalpyna keltirildi.




Tarazda E. Toǵjanov «Super Pharm» JShS-de boldy. Jambyl oblysynyń ákimi Berdibek Saparbaev óńirde farmatsevtıkalyq ónim shyǵarý kólemi artyp kele jatqanyn atap ótti. Munda táýligine 60 myń medıtsınalyq maska, jylyna 15 mln medıtsınalyq buıym shyǵarylady.




Óńirdegi iri jobalardyń biri – «Amır jáne D» JShS farmatsevtıkalyq baǵyttaǵy óndiristik kesheni. Zaýytta jylyna 15 mln ekspress-test, onyń ishinde koronavırýs, A, V, S gepatıtterin anyqtaýǵa arnalǵany bar, 1,5 mln baqylaý eritindisi jáne basqa da medıtsınalyq maqsattaǵy ónimder shyǵarylatyn bolady.




Vıtse-Premer sondaı-aq «Sáýle» JShS kondıterlik fabrıkasyna bardy jáne oblystyq onkologııalyq dıspanserdiń qurylys barysymen tanysty. Qazirgi ýaqytta onkoortalyqtyń ishki árleý jumystary 90%-ǵa, syrtqy árleý jumystary 95%-ǵa aıaqtaldy. Dıspanser álemdik standarttarǵa sáıkes keletin tehnologııalyq jabdyqtarmen jaraqtandyrylatyn bolady.

E. Toǵjanov jeke ınvestıtsııalar esebinen salynǵan «Arai–Elite» gımnazııasynda boldy. Mektepte 1 400 bala tegin bilim alady. Oqýshylar matematıka men aǵylshyn tilin tereńdetip oqıdy.

«Kóne Taraz» tarıhı-etnomádenı keshenin aralaý barysynda vıtse-premer Tarazdyń sáýleti túbegeıli ózgeriske ushyraǵanyn atap ótti. Keshen aýmaǵynda birkelki stılde birneshe nysan salynǵan, atap aıtsaq: ashyq aspan astyndaǵy amfıteatr, kórkemsýret galereıasy, oblystyq tarıhı-ólketaný mýzeıi, Sherhan Murtaza atyndaǵy «Rýhanııat jáne tarıhtaný» ortalyǵy, sheberler men qolónershiler galereıasy, týrızm ortalyǵy, kórme pavılony.




Joǵary qaraı