Aýa raıy
Astana -7 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Erbolat Dosaev: Inflıatsııa 4-6 paıyz dálizine oralady

2020 jyldyń 19 qarasha 2020 11:26

NUR-SULTAN. QazAqparat – QR Ulttyq bankiniń tóraǵasy Erbolat Dosaev aldaǵy jyldardaǵy ınflıatsııa deńgeıine túsinik berdi, dep habarlaıdy QazAqparat tilshisi.

«2020 jyly álemdik ekonomıkanyń damýyn jáne joǵaryda atalǵan faktorlardy eskere otyryp, 2021-2023 jyldarǵa arnalǵan respýblıkalyq bıýdjettiń parametrlerin qalyptastyrý úshin Ulttyq bank aqsha-kredıt saıasaty kórsetkishteriniń tıisti boljamyn ázirledi. Birinshiden, syrtqy kútilmegen ózgerister ınflıatsııanyń serpinine teris áserin tıgizýde. Bıylǵy qazan aıynda ınflıatsııa jyldyq mánde 7,1 paıyz boldy. Bizdiń baǵalaýymyz boıynsha baǵa ósýiniń negizgi áseri birtindep tejelip, 2021-2022 jyldary ınflıatsııa 4-6 paıyz dálizine oralady», - dedi Senattyń jalpy otyrysynda.

Onyń aıtýynsha, Memleket basshysynyń daǵdarysqa qarsy bastamalary aıasynda Qazaqstandaǵy iskerlik belsendilikti qoldaý úshin Ulttyq bank jalpy somasy 2,3 trln teńgege jeńildikti kredıtteý baǵdarlamalaryn qarjylandyrady. Bul daǵdarysqa qarsy toptamany qarjylandyrýdyń 50 paıyzdan astamyn quraıdy.

«2020-2021 jyldary ekonomıkalyq ósýdi qalpyna keltirý jónindegi keshendi jospardy iske asyrý sheńberinde Úkimet pen Ulttyq banktiń úılestirilgen is-qımyldary Qazaqstan ekonomıkasynyń ornyqty ósý traektorııasyna shyǵýyna múmkindik beredi. Bul jaǵdaılarda Qazaqstan ekonomıkasyn aıtarlyqtaı ártaraptandyrýǵa, ımportqa táýeldilikti tómendetýge jáne jedeldetilgen tsıfrlandyrýǵa baǵyttalǵan júıeli jáne uzaqmerzimdi sharalardy qabyldaýdyń mańyzdylyǵy artady», - dedi UB basshysy.

E. Dosaevtyń sózine qaraǵanda, osy sharalar 2025 jylǵa qaraı 3-4 paıyz deńgeıindegi turaqty tómen ınflıatsııany qamtamasyz ete otyryp, aqsha-kredıt saıasatynyń eldiń ekonomıkalyq damýyna yqpal etý áleýetin kúsheıtýge múmkindik beredi.


Joǵary qaraı