Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Erbolat Dosaev: Inflıatsııalyq qysymnyń negizgi kózi – Reseıdegi ahýal

2021 jyldyń 12 qazan 2021 10:38

NUR-SULTAN. QazAqparat – Reseıdegi ınflıatsııalyq fon Qazaqstanǵa ınflıatsııalyq qysym jasap otyr. QR Ulttyq bankiniń tóraǵasy Erbolat Dosaev Úkimet otyrysynda osyndaı málimet aıtty, dep habarlaıdy QazAqparat tilshisi.

«Maýsymdyq kezeńde kókónis baǵasynyń 8,7% jáne jemis baǵasynyń 2,4% tómendeýine qaramastan, Qazaqstanda ınflıatsııa 8,9% jetip, qarqynyn jalǵastyrdy.

Bir aıda et 1,3%, ósimdik maıy 0,6% jáne qant 1,1% qymbattap, saldarynan azyq-túlik ınflıatsııasy 11,4%-ten 11,5%-ke deıin jedeldedi.

Azyq-túlikke jatpaıtyn ınflıatsııaǵa kelsek, dızel bir aıda 3,8%, gaz 0,9% jáne kómir 1,9% qymbattap, saldarynan mundaǵy ınflıatsııa 7,3%-ten 7,5%-ke deıin ósti.

Janar-jaǵar maıdyń budan bylaıǵy qymbattaýy jáne dándi-daqyldar baǵasyn turaqtandyrýǵa aıtarlyqtaı táýekel týdyrady», - dedi Ulttyq bank tóraǵasy.

Sondaı-aq, ol Qazaqstan ishindegi ınflıatsııaǵa Reseıdegi ahýal tikeleı áser etip otyrǵanyn eske saldy.

«Syrtqy ınflıatsııanyń, ásirese Reseı Federatsııasy sııaqty negizgi saýda áriptes elderde ınflıatsııalyq fonnyń nasharlaýy ınflıatsııalyq qysymnyń qosymsha kózi bolyp tabylady.

Mundaı jaǵdaılarda monetarlyq emes faktorlardy turaqtandyrýǵa baǵyttalǵan ınflıatsııaǵa qarsy den qoıý sharalarynyń keshenin tıimdi iske asyrý 2021 jyly ınflıatsııany dálizdiń joǵarǵy shegi 7,5-8,5%-ke qaıtarýy tıis. Ulttyq bank óz tarapynan, syrtqy naryqtar men ishki ahýalǵa jan-jaqty taldaý jasaý negizinde dezınflıatsııalyq aqsha-kredıt saıasatyn júrgizýdi jalǵastyrady», - dedi Erbolat Dosaev.


Joǵary qaraı