Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Erden Áripov Joǵarǵy Sot sýdıasy qyzmetinen bosatyldy

2022 jyldyń 19 mamyr 2022 09:40

NUR-SULTAN. QazAqparat – Parlament Senatynyń jalpy otyrysynda QR Joǵarǵy sotynyń sýdıasy Erden Áripov qyzmetinen bosatyldy, dep habarlaıdy QazAqparat tilshisi.

«Sizderdiń qaraýyńyzǵa Erden Raýanuly Áripovti Joǵarǵy Sot sýdıasynyń qyzmetinen bosatý týraly Memleket basshysynyń usynymy engizilip otyr. Prezıdent Jarlyǵymen Erden Raýanuly Qaraǵandy oblystyq sotynyń tóraǵasy bolyp taǵaıyndaldy», - dedi QR Joǵary Sot Keńesiniń tóraǵasy Denıs Shıpp.

Palata depýtattary osy usynysqa qoldaý bildirip, sýdıany qyzmetinen bosatý týraly sheshim qabyldady.

Budan buryn habarlanǵandaı, Prezıdenttiń 2022 jylǵy 26 naýryzdaǵy Jarlyǵymen Qaraǵandy oblystyq sotynyń tóraǵasy bolyp taǵaıyndalǵan Erden Áripovty ujymǵa Joǵarǵy Sottyń tóraǵasy Jaqyp Asanov beınekonferentsııa kezinde tanystyrdy.

E. Áripov 1963 jyly Alma-Ata oblysynyń Narynkól aýdanynda dúnıege kelgen. 1986 jyly Qazaq memlekettik ýnıversıtetin bitirgen, mamandyǵy boıynsha zańger.


Avtor Rýslan Ǵabbasov
Basty sózder: QR Joǵarǵy soty, Sot, Parlament,
Joǵary qaraı