Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Erkin kúres: El birinshiliginde barlyq salmaqtaǵy jeńimpazdar anyqtaldy

2020 jyldyń 22 qarasha 2020 20:44

ALMATY. QazAqparat - Búgin Almaty qalasynda kúres túrlerinen Qazaqstan birinshiliginde erkin kúres sheberleri tórt salmaqta jeńimpazdardy anyqtady, dep habarlaıdy QazAqparat tilshisi.

Jarysta 74 kelide Nurǵoja Qaıpanov myqtylyǵyn tanytty. Álem chempıonatynyń kúmis júldegeri bul salmaqqa jaqynda aýysqan bolatyn. Ol fınalda qyzylordalyq Qanat Musabekovti jeńdi. Qola medal astanalyq Nurlan Bekjanov pen almatylyq Darhan Esenǵalıǵa buıyrdy.

El birinshiliginde 79 keli salmaqta ulttyq qurama múshesi, qyzylordalyq Ǵalymjan Óserbaev aqtyq synda Almaty oblysynyń ókili Rýstam Myrzaǵalıevti 11:0 esebimen utty. Osylaısha Ǵalymjan el birinshiliginde besinshi márte chempıon atanyp otyr. Úzdik úshtikti aqtóbelik Aıdar Baldanbaev pen atyraýlyq Bolat Saqaev túıindedi.

Al 92 kelide mańǵystaýlyq Elhan Asadovqa teń kelerlik eshkim bolǵan joq. Ol fınalda elordalyq Eraly Ábdirashevti 3:1 esebimen tize búktirdi. Bul salmaqta qola júlde Shamıl Magomadov (Shyǵys Qazaqstan oblysy) pen Nurǵalı Nurǵaıypulyna (Nur-Sultan) buıyrdy.

Birinshilik barysynda 125 kelide Shyǵys Qazaqstan oblysynń ókili Oleg Boltın fınalda pavlodarlyq Dáýlet Shabanbaıdy jeńip, altynnan alqa taqty.

Esterińizge sala ketelik, Dáýlet 2012 jyly London Olımpıadasynda qola júldeger atanǵan bolatyn. Bul salmaqta aqtóbelik ıÝsýp Batyrmýrzaev pen túrkistandyq Baqdáýlet Óserbaı qola júlde aldy.

Budan buryn erkin kúresten 20 qarashada 57, 61, 86 salmaqta chempıondar anyqtaldy.

Al 22 qarashada 65, 70 jáne 97 kelige deıingi salmaqtaǵy balýandar synǵa tústi.

Endi 23 qarashada áıelder kúresinen 10 salmaqta júldeler sarapqa salynsa, grek-rım kúresiniń sheberleri 24-26 qarasha aralyǵynda toǵyz salmaqta júldege talasady.


Avtor Ádiljan Úmbet
Basty sózder: Sport, Qoǵam,
Joǵary qaraı