Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Erkin Tuqymov QR Prezıdenti janyndaǵy Strategııalyq zertteýler ınstıtýtynyń dırektory boldy

2022 jyldyń 27 qańtar 2022 09:14

NUR-SULTAN. QazAqparat - Memleket basshysynyń ókimimen Erkin Valıthanuly Tuqymov Qazaqstan Respýblıkasy Prezıdentiniń janyndaǵy Qazaqstannyń strategııalyq zertteýler ınstıtýtynyń dırektory laýazymyna taǵaıyndaldy. QazAqparat bul týraly Aqordaǵa silteme jasap habarlaıdy.

Buǵan deıin Q.Toqaev Zarema Kaýkenqyzy Shaýkenovany QR Prezıdenti janyndaǵy Qazaqstannyń strategııalyq zertteýler ınstıtýtynyń dırektory qyzmetinen bosatqan bolatyn.

Erkin Tuqymov 1973 jyly Ózbekstanda, Termiz qalasynda týǵan.

1997 jyly Varshama halyqaralyq qatynastar ınstıtýtyn úzdik bitirip, 2004 jyly QR Ǵylym akademııasynyń Fılosofııa jáne saıasattaný ınstıtýtynyń aspırantýrasyn tamamdady.

Eńbek jolyn 1997 jyly QR Prezıdenti janyndaǵy Qazaqstan strategııalyq zertteýler ınstıtýty syrtqy saıası zertteýler bóliminiń aǵa ǵylymı qyzmetkeri retinde bastady.

2000-2005 jyldary QSZI syrtqy saıasat bóliminiń meńgerýshisi.

2005-2007 jyldary Ortalyq Azııa demokratııany damytý qorynyń bas dırektory boldy.

2007-2008 jyldary QR Prezıdenti ákimshiliginde aqparattyq-taldaý ortalyǵynyń strategııalyq taldaý sektorynyń meńgerýshisi, Strategııalyq ázirlemeler jáne taldaý ortalyǵynyń strategııalyq halyqaralyq yqpaldastyq sektorynyń meńgerýshisi qyzmetterin atqardy.

2008 jyldyń maýsymynda QR Syrtqy ister mınıstrligi Ortalyq Azııa departamenti dırektorynyń orynbasary, keıinnen departament dırektory boldy.

2010 jylǵy qańtar aıynda Qazaqstan Respýblıkasy Qaýipsizdik Keńesi Taldaý bóliminiń meńgerýshisi boldy.

Qazaqstannyń Qazandaǵy bas konsýly laýazymyna 2018 jyly taǵaıyndaldy.

2019 jyly Qazaqstannyń Reseıdegi Elshiliginiń keńesshi-elshisi boldy.

Dıplomatııalyq dárejesi - Qazaqstan Respýblıkasy Syrtqy ister mınıstrliginiń ІІ synypty keńesshisi.

«Eren eńbegi úshin», «Qazaqstan Respýblıkasynyń táýelsizdigine 20 jyl» medaldarymen marapattalǵan.




Joǵary qaraı