Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Erlan Battaqov QR saýda jáne ıntegratsııa birinshi vıtse-mınıstri bolyp taǵaıyndaldy

2022 jyldyń 13 qańtar 2022 14:07

NUR-SULTAN. QazAqparat - Qazaqstan Respýblıkasy Úkimetiniń Qaýlysymen Erlan Erkinuly Battaqov Qazaqstan Respýblıkasynyń saýda jáne ıntegratsııa birinshi vıtse-mınıstri qyzmetine taǵaıyndaldy, dep habarlaıdy QazAqparat QR Premer-Mınıstriniń baspasóz qyzmetine silteme jasap.

Erlan Battaqov 1969 jyly 9 qazanda Qaraǵandy qalasynda dúnıege kelgen. Qaraǵandy polıtehnıkalyq ınstıtýtyn jáne Memlekettik statıstıka komıteti men Qazaqstan Respýblıkasy Eńbek mınıstrliginiń RSBJI bitirgen. Eńbek jolyn 1992 jyly Qaraǵandy polıtehnıkalyq ınstıtýtynyń qurylys materıaldary jáne buıymdary tehnologııasy kafedrasynyń zertteýshi taǵylymgeri retinde bastady. 1995-1996 jj. – «Alataý Invest» QFI bas mamany, bas dırektordyń ınvestıtsııalar jónindegi orynbasary. 1996 j. – Qazaqstan Respýblıkasy Baǵaly qaǵazdar jónindegi ulttyq komıssııasynyń Baǵaly qaǵazdar naryǵyn retteý basqarmasynyń mamany, baǵaly qaǵazdar naryǵyndaǵy kásibı qyzmetti lıtsenzııalaý bóliminiń bastyǵy. 1996-2007 jj. – «Azyq-túlik kelisim shart korporatsııasy» AQ bas mamany, bólim bastyǵy, basqarma bastyǵy, qarjy dırektory. 2007-2012 jj. – Qazaqstan Respýblıkasy Prezıdenti Іs basqarmasynyń bıýdjettik baǵdarlamalardy josparlaý jáne qarjylandyrý bóliminiń qarjy-taldaý sektorynyń meńgerýshisi, bıýdjettik baǵdarlamalardy josparlaý jáne qarjylandyrý bóliminiń meńgerýshisi. 2012-2019 jj. – Qazaqstan Respýblıkasy Prezıdenti Іs basqarýshysynyń orynbasary, birinshi orynbasary. 2019 jylǵy naýryzdan bastap Qazaqstan Respýblıkasy Prezıdentiniń Іs basqarýshysy.


Basty sózder: QR Úkimeti, Taǵaıyndaý,
Joǵary qaraı