Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Erlan Qarın: Ákim saılaýy memlekettik basqarý júıesindegi ınstıtýtsıonaldyq ózgeristerge bastaý boldy

2021 jyldyń 26 shilde 2021 16:14

NUR-SULTAN. QazAqparat – Prezıdenttiń kómekshisi Erlan Qarın keshegi ótken ákimder saılaýynyń strategııalyq mańyzdylyǵy týraly pikir bildirdi, dep habarlaıdy QazAqparat tilshisi.

«Óńirlik aqparat resýrstarynda el tarıhynda alǵash ret ótken aýyl ákimderi saılaýynyń alǵashqy nátıjeleri jarııalana bastady. Bul mańyzdy oqıǵany áýel bastan kóptegen sarapshylar nazarda ustady. Sondyqtan, osy saılaýdyń qorytyndylaryn sarapshylar egjeı-tegjeıli zerdelep, nátıjesi otandyq aqparat quraldarynda jan-jaqty baıandalatynyna senimdimin», - dep jazy ol Telegram paraqshasynda.

Erlan Qarın atalmysh saıası naýqannyń strategııalyq mańyzdylyǵyna aıǵaq bolatyn birneshe jaıtty atady.

«Birinshiden, bul saılaý jergilikti memlekettik basqarý júıesinde eleýli ınstıtýtsıonaldyq ózgeristerdi bastady. Olar keleshekte memleket pen qoǵam arasyndaǵy ózara qarym-qatynasyn baıyppen aıqyndaıtyn sapaly jańa ortanyń negizin qalaıdy.

Ekinshiden, beıbit jıyndar týraly jańa zańdy qabyldaýmen, saılaý jáne saıası partııalar týraly zańnamany jetildirýmen qatar, ákimderdiń tikeleı saılanbalylyǵyn engizý qazaqstandyqtardyń saıası mádenıeti men saıası belsendiligin arttyrýǵa yqpal etedi», - dedi Erlan Qarın.

Onyń aıtýynsha, bul saılaý Prezıdent belgilegen memlekettik qyzmetshilerdiń jańa býynyn dáıekti qalyptastyrýǵa, memlekettik apparat jumysyndaǵy tásilderdi zaman talabyna saı jetildirýge baǵyttalǵan.

«Osy turǵydan alǵanda keshegi saılaý aýyl ákimderi korpýsynyń aıtarlyqtaı jańarýyna, memlekettik qyzmetke jańa tulǵalardyń kelýine yqpal etedi. Osynyń barlyǵy jıyntyǵynda jergilikti memlekettik basqarý júıesiniń odan ári damýyna oń serpin beredi. Jalpy, bul saılaý Memleket basshysynyń júıeli saıası ózgeristerdi júzege asyrýǵa baǵyttalǵan baǵytynyń dáıektiligin taǵy da rastady. Sol arqyly Prezıdenttiń barlyq bastamalary men sheshimderi qoǵamda keń qoldaý taba otyryp, kezeń-kezeńmen iske asyp jatqanyn kórsetti. Tek saıası reformalar boıynsha ǵana Prezıdenttiń bastamasymen eki jyl ishinde 10 zań qabyldandy. Taǵy birneshe zań jobasy túrli satyda qaralyp jatyr», - dep túıindedi Erlan Qarın.


Avtor Esimjan Naqtybaı
Basty sózder: Saılaý, Ákim, Ákim saılaýy,
Joǵary qaraı