Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Erlan Qarın Germanııa syrtqy ister mınıstrliginiń ýákilimen kezdesti

2022 jyldyń 11 aqpan 2022 17:23

NUR-SULTAN. QazAqparat - Erlan Qarın Germanııa Syrtqy ister mınıstrliginiń Ortalyq Azııa, Shyǵys Eýropa jáne Kavkaz elderi boıynsha ýákili Mattıas Lıýttenbergpen kezdesti, dep habarlaıdy Aqorda.

Kezdesý barysynda Erlan Qarın men Mattıas Lıýttenberg Qazaqstan men Germanııa arasyndaǵy áriptestiktiń qazirgi ahýaly men damý perspektıvalaryn talqylady.

Memlekettik hatshy Qazaqstan Germanııany Eýropa men Eýropa Odaǵyndaǵy mańyzdy strategııalyq áriptesi sanaıtynyn, eki el arasyndaǵy kópjosparly yqpaldastyqty odan ári damytýǵa beıildi ekenin aıtty.

Sonymen qatar, Erlan Qarın elimizdiń saıası jańǵyrýyna qatysty josparlar men Memleket basshysynyń jańa ekonomıkalyq bastamalaryn júzege asyrý jaıynda málimet berdi.

Óz kezeginde, Mattıas Lıýttenberg Memlekettik hatshyǵa kezdesýge múmkindik jasaǵany úshin alǵys aıtyp, Qazaqstan men Germanııa arasyndaǵy saıası, saýda-ekonomıkalyq jáne mádenı-gýmanıtarlyq baılanystardy ilgeriletýdiń áleýeti zor ekenin atap ótti.


Joǵary qaraı