Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Erlan Qarın Mańǵystaý oblysynda UQShU áskeri ornalasqan degen aqparatty joqqa shyǵardy

2022 jyldyń 10 qańtar 2022 08:24

NUR-SULTAN. QazAqparat - QR Memlekettik hatshysy Erlan Qarın Mańǵystaý oblysynda Ujymdyq qaýipsizdik týraly shart uıymynyń (ODKB) áskeri ornalasqan degen aqparatty joqqa shyǵardy, dep habarlaıdy QazAqparat.

«Bıylǵy 4-8 qańtar aralyǵynda Mańǵystaý oblysynda boldym. Onda ahýaldy turaqtandyrý jónindegi óńirlik shtabtyń jumysyn úılestirýge atsalystym. Aımaqtaǵy ahýal qazir turaqty. Memlekettik mekemeler men kommýnaldyq qyzmetterdiń barlyǵy qalypty rejimde jumys istep jatyr. Quqyq qorǵaý organdary jaǵdaıdy tolyq baqylaýda ustap tur», - dedi Memlekettik hatshy Feısbýktegi paraqshasynda.

Odan bólek Erlan Qarın Mańǵystaý oblysynda tártipti tek Ulttyq ulannyń sarbazdary qadaǵalap turǵanyn aıtty.

«Qoǵam belsendileriniń arqasynda bılik pen narazylyq bildirgen azamattardyń arasynda konstrýktıvti dıalog ornyqty. Osy óńirde Ujymdyq qaýipsizdik týraly shart uıymynyń (ODKB) áskeri ornalasqan degen qaýeset shyndyqqa janaspaıdy. Oblystaǵy tótenshe jaǵdaı rejimin qamtamasyz etýge óz elimizdiń qarýly kúshteriniń jáne Ulttyq ulannyń bólimsheleri ǵana jumyldyrylǵan», - dedi ol.


Avtor Erbol Janat
Basty sózder: Mańǵystaý oblysy, UQShU,
Joǵary qaraı