Aýa raıy
Astana 10 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Erlan Qarın: Ólim jazasyn alyp tastaý - qylmys zańnamasyn izgilendirýge baǵyttalǵan shara

2020 jyldyń 24 qyrkúıek 2020 14:58

NUR-SULTAN. QazAqparat – Prezıdenttiń kómekshisi Erlan Qarın Qazaqstanda ólim jazasynyń resmı túrde alynyp tastalýyna qatysty pikir bildirdi, dep habarlaıdy QazAqparat tilshisi.

«Ulttyq keńes aıasynda kóterilgen taǵy bir bastama iske asty. Qazaqstan ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktige ekinshi Fakýltatıvtik hattamaǵa qol qoıdy. Atalmysh qujat ólim jazasyn alyp tastaýdy kózdeıdi. Qazirgi ýaqytta Qazaqstanda ólim jazasyn oryndaýǵa moratorıı jarııalanǵan. Bul qujatqa qosylý qajettigin qazaqstandyq quqyq qorǵaýshylar men sarapshylar Ulttyq qoǵamdyq senim keńesiniń ártúrli alańynda kótergen edi», - dep jazady Prezıdenttiń kómekshisi Telegram paraqshasynda.

Naqtyraq aıtqanda, bul bastamany Memleket basshysynyń aldynda ótken jyldyń kúzinde belgili zańger Jemis Turmaǵambetova kótergen.

«Osynyń nátıjesinde Ulttyq keńestiń 2019 jyldyń jeltoqsan aıyndaǵy otyrysynda Prezıdent Qasym-Jomart Toqaev QR SІM-ge Ekinshi fakýltatıvtik hattamaǵa qosylý protsedýrasyn bastaýdy tapsyrdy. Bul bastama saıası reformalardyń alǵashqy paketine engizildi. Búgin Birikken Ulttar uıymynyń BUU shtab-páterinde Qazaqstannyń BUU janyndaǵy Turaqty ókili Qaırat Omarov ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktige ekinshi Fakýltatıvtik hattamaǵa qol qoıdy. Bul qadam - qylmystyq zańnamany izgilendirýge baǵyttalǵan shara», - deıdi Erlan Qarın.

Eske sala ketsek, 23 qyrkúıekte BUU shtab-páterinde Qazaqstannyń BUU janyndaǵy Turaqty ókili Qaırat Omarov ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktige ekinshi Fakýltatıvtik hattamaǵa qol qoıǵan bolatyn.



Joǵary qaraı