Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Erlan Qarın Prezıdenttik jastar kadr rezervine irikteýdiń jańa talaptaryn atady

2021 jyldyń 28 mamyr 2021 09:24

NUR-SULTAN. QazAqparat – Prezıdenttiń kómekshisi Erlan Qarın Prezıdenttik jastar kadr rezervine ekinshi irikteý bastalǵanyn habarlap, ondaǵy jańa talaptardy atady, dep habarlaıdy QazAqparat tilshisi.

Erlan Qarın Telegram-daǵy paraqshasynda jýyqta Prezıdenttik jastar kadr rezervine ekinshi qabyldaý bastalatynyn jazdy.

Aıtýynsha, búgin Memleket basshysy «Prezıdenttik jastar kadr rezerviniń keıbir máseleleri týraly «Qazaqstan Respýblıkasy Prezıdentiniń 2019 jylǵy 27 tamyzdaǵy № 141 Jarlyǵyna ózgerister engizý týraly» Jarlyqqa qol qoıǵan.

«Rezervke ekinshi irikteýge 35 jasqa deıingi, joǵary bilimi bar jáne eńbek ótili 5 jyldan kem bolmaıtyn jastar qatysa alady. Sondaı-aq, jańa irikteý sheńberinde úmitkerlerdiń memlekettik tildi orta deńgeıden (V1) tómen emes deńgeıde meńgergeni týraly sertıfıkattyń bolýy týraly talap engizildi», - dedi Prezıdentiń kómekshisi.

Onyń jazbasynda aıtylǵandaı, kandıdattardy irikteý arnaıy aqparattyq júıe arqyly birneshe kezeńde júrgiziledi:

1. Qujattardy qabyldaý (onlaın);

2. Mátindik jáne sandyq aqparatpen jumys isteý qabiletin baǵalaý (onlaın);

3. Sıtýatsııalyq tapsyrmalardy sheshý (onlaın);

4.Quzyretterdi baǵalaý (oflaın);

5. Saraptamalyq komıssııada kandıdattarmen áńgimelesý (onlaın);

6. Ulttyq komıssııanyń otyrysynda qaraý (aldyn ala onlaın).

Úmitkerler rezervke 3 jylǵa qabyldanady.

«Búgingi tańda Prezıdenttik jastar kadr rezerviniń alǵashqy leginen shyqqan 179 jas maman memlekettik organdar men kvazımemlekettik kompanııalarǵa qyzmetke taǵaıyndaldy. Osylaısha, Prezıdenttik Jastar kadrlyq rezervi óziniń basty mindeti – jas mamandar úshin tıimdi áleýmettik lıft qurý mindetin iske asyrýda», -dep jazdy Erlan Qarın.


Joǵary qaraı