Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Erlan Qarın janýarlarǵa qatysty zań týraly: Halyqtyń ekologııalyq mádenıetin kóteredi

2021 jyldyń 27 qazan 2021 21:18

NUR-SULTAN. QazAqparat – QR Prezıdentiniń kómekshisi Erlan Qarın «Janýarlarǵa jaýapkershilikpen qaraý týraly» zań jobasynyń Májiliste qaralýyna qatysty pikir bildirdi, dep habarlaıdy QazAqparat.

«Búgin Májiliste «Janýarlarǵa jaýapkershilikpen qaraý týraly» Zań jobasy birinshi oqylymda qabyldandy. Memleket basshysy birneshe ret, ásirese qoǵamda rezonans týdyrǵan jaǵdaılardan keıin janýarlarǵa qatysty qatygezdikke jol bermeýge nazar aýdarǵan edi. Jańa zańnyń qajettigi týraly Qasym-Jomart Toqaev óziniń 2020 jylǵy Joldaýynda aıtty. Ol janýarlarǵa qarym-qatynasty qoǵam órkenıetiniń ólshemi dep atady», - dep jazdy E. Qarın óziniń Telegram kanalynda.

Prezıdent kómekshisi bul másele Ulttyq qoǵamdyq senim keńesiniń tórtinshi otyrysynda da jeke talqylanǵanyn eske saldy. Ázirlengen zań jobasy memlekettik organdardyń, parlamentarıılerdiń, Ulttyq keńes músheleriniń jáne sarapshylar men azamattyq qoǵam ókilderiniń birlesken jumysynyń nátıjesi boldy.

«Zań jobasynda janýarlarǵa qatygezdikti nasıhattaýǵa tyıym salynady, olardy baǵý erejeleri egjeı-tegjeıli jazylǵan. Arnaıy norma janýarlardy qoldanyp, qatygez oıyn-saýyq jasaýǵa tyıym salýǵa baǵyttalǵan. Janýarlardy qorǵaýshylar birneshe jyl boıy osy zańdy ázirleýge áreket etti. Tutastaı alǵanda, bul zań jobasyn qabyldaý azamattardyń ekologııalyq mádenıetin kóterýge yqpal etetin bolady», - deıdi Erlan Qarın.


Joǵary qaraı