Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Erlan Qojaǵapanov Premer-Mınıstrdiń keńesshisi bolyp taǵaıyndaldy

2021 jyldyń 13 qyrkúıek 2021 11:02

NUR-SULTAN. QazAqparat - QR Premer-Mınıstri Asqar Mamınniń Ókimimen Erlan Qojaǵapanov Premer-Mınıstrdiń keńesshisi laýazymyna taǵaıyndaldy, dep habarlaıdy QazAqparat QR Premer-Mınıstriniń baspasóz qyzmetine silteme jasap.

Eske sala ketsek, Erlan Qojaǵapanov Mádenıet jáne sport vıtse-mınıstri qyzmetinen bosatylǵan edi.

Erlan Qojaǵapanov 1968 jyly Almaty oblysynda dúnıege kelgen.

1992 jyly E. Bóketov atyndaǵy Qaraǵandy memlekettik ýnıversıtetin, 1999 jyly Abaı atyndaǵy Almaty memlekettik ýnıversıtetin támamdaǵan. 2006 jyly Reseı Keden akademııasyn bitirgen. Mamandyǵy boıynsha biliktiligi — zańger, ekonomıst, qarjyger, keden isiniń mamany.

Eńbek jolyn 1989 jyly bastaǵan.

1990-1994 jyldary kásipkerlik qyzmetpen aınalysqan.

1994-2007 jyldary memlekettik organdar men kásiporyndarda jumys istegen.

2007-2013 jyldary Astana qalasy ákiminiń orynbasary qyzmetin atqarǵan.

2013-2016 jyldary QR Sport jáne dene shynyqtyrý isteri agenttiginiń tóraǵasy, QR Fýtbol federatsııasynyń prezıdenti qyzmetterin atqarǵan.

2016 jylǵy jeltoqsannan bastap 2017 jylǵy qarasha aralyǵynda QR Premer-Mınıstri keńesshisiniń m. a., keńesshisi qyzmetin atqarǵan.

2017-2020 jyldary — QR mádenıet jáne sport vıtse-mınıstri.

2020-2021 jyldary — Almaty qalasy ákiminiń birinshi orynbasary.

2021 jylǵy sáýirden bastap qazirgi ýaqytqa deıin QR mádenıet jáne sport vıtse-mınıstri boldy.


Joǵary qaraı