Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Erlan Turǵymbaev ІІM joǵary oqý oryndarynyń túlekterine pogon tapsyrdy

2020 jyldyń 4 shilde 2020 21:26

NUR-SULTAN. QazAqparat - Іshki ister mınıstri Erlan Turǵymbaev ІІM joǵary oqý oryndarynyń úzdik túlekterine ofıtserlik pogon tapsyrdy, dep habarlaıdy QazAqparat.

Dástúr boıynsha astana kúni qarsańynda áskerı jáne quqyq qorǵaý joǵary oqý oryndarynyń úzdik túlekteri elimizdiń elordasyna alǵashqy ofıtserlik leıtenant ataǵyn tapsyrý úshin shaqyryldy.

ІІM Almaty, Qaraǵandy jáne Qostanaı akademııalarynyń, Aqtóbe zań jáne Kókshetaý tehnıkalyq ınstıtýttarynyń, sondaı-aq Ulttyq ulan Áskerı ınstıtýtynyń oqý úzdikteri vedomstvo basshysy tabystaǵan leıtenant pogondarymen úlken ómirge qadam basty.

Mınıstrdiń úzdik túlektermen kezdesýi barlyq sanıtarlyq-gıgıenalyq normalardy saqtaı otyryp ótkizildi.

«Іshki ister organdarynyń qyzmetkerleri men áskerı qyzmetshileri kez-kelgen sátte densaýlyǵy men ómirine qaýip tónse de, azamattar men qoǵamdy qylmystyq qol suǵýshylyqtan qorǵaýǵa daıyn. Іshki ister mınıstrligi maqtan tutatyn mundaı batyrlyq áreketter az emes. Tek jyl basynan beri úlgili qyzmet atqarǵany jáne qyzmettik boryshyn minsiz oryndaǵany úshin ishki ister organdarynyń 141 qyzmetkeri memlekettik marapatqa ıe boldy», - dedi Erlan Turǵymbaev túlektermen kezdesý barysynda.




Mınıstr aldaǵy ýaqytta marapattalǵandardyń qatarynda 2020 jylǵy túlekter de bolady dep senim bildirdi. Al oqý oryndarynyń qabyrǵasynda alynǵan bilim men moraldyq-psıhologııalyq daıyndyq jas qyzmetkerlerdiń áleýetin iske asyrý men damytý úshin negiz bolady.




«Іshki ister organdary qyzmetkerleriniń qataryn tolyqtyra otyryp, sizder eldegi quqyqtyq tártipti, bizdiń azamattarymyzdyń qaýipsizdigi men tynyshtyǵyn qamtamasyz etýge laıyqty úles qosatyndaryńyzǵa, Otanymyz – Qazaqstan Respýblıkasynyń ıgiligi úshin abyroıly qyzmet etetinderińizge senemin», - dep atap ótti ІІM basshysy.




Vedomstvolyq bilim berýdi jańǵyrtý sheńberinde oqý oryndaryn ońtaılandyrý júrgizildi. Búginde ishki ister organdary men Ulttyq ulan úshin mamandar daıarlaý ІІM-niń bes joǵary oqý ornynda júrgizilýde. Bul akademııaǵa túsý kezeńinde talapkerler arasynda sapaly irikteý júrgizýge, sondaı-aq ІІO-nyń bolashaq qyzmetkerlerin daıarlaý sapasyn arttyrýǵa múmkindik berdi.





Basty sózder: QR ІІM, Bilim, Jastar, JOO-lar, Qaýipsizdik,
Joǵary qaraı