Aýa raıy
Astana -2 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

Erlan Turǵymbaev Shamalǵandaǵy apat jaıly: Saraptamalar jasalýda

2019 jyldyń 17 qyrkúıek 2019 10:52

NUR-SULTAN. QazAqparat – Shamalǵandaǵy avtobýs pen poıyz apatyna qatysty 5-6 saraptama júrgizilip jatyr. Bul týraly QR Іshki ister mınıstri Erlan Turǵymbaev aıtty, dep habarlaıdy QazAqparat tilshisi.

«Shamalǵandaǵy jol apatyna qatysty buǵan deıin de aıtqanymdaı, júrgizýshi oqıǵa ornynda qaza tapty. Bir áıel men onyń balalary aýrýhanada jatyr. Balalardyń jaǵdaıy aýyr bolǵanymen, dárigerler olardyń ómirin saqtap qalý úshin barlyq kúsh-jigerlerin jumsaýda. Tergeý júrgizilip jatyr. Qazir 5-6 saraptama jasalýda», - dedi Erlan Turǵymbaev Úkimet otyrysynan keıin BAQ ókilderiniń saýalyna oraı.

Esterińizge sala keteıik, 15 qyrkúıek kúni Shamalǵan stansasynda poıyz ben avtobýs soqtyǵysty. Jolaýshylar avtobýsy relske shyǵyp ketken.

Oqıǵa ornynda avtobýs júrgizýshisi mert bolyp, taǵy 3 adam Qarasaı aýdandyq aýrýhanasynyń jansaqtaý bólimine jatqyzyldy. Onyń ekeýi - bala.

Qazir atalǵan fakti boıynsha QR QK 345-babynyń 3-bóligi boıynsha is qozǵalyp, tergeý júrip jatyr. Іsti Bas kóliktik prokýratýra baqylaýyna aldy.

QR Prezıdenti Qasym-Jomart Toqaev poıyz ben avtobýs soqtyǵysynan zardap shekkenderdiń týǵan-týystaryna kóńil aıtty.


Joǵary qaraı