Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ermek Marjyqpaev Shortandydaǵy qaıǵyly oqıǵaǵa qatysty túsinik berdi

2021 jyldyń 26 qarasha 2021 18:41

KÓKShETAÝ. QazAqparat - Aqmola oblysynyń ákimi Ermek Marjyqpaev Shortandy kentinde gaz ballonynyń jarylýy saldarynan qaza tapqandar men zardap shekkenderdiń otbasylaryna qandaı kómek kórsetiletin aıtty, dep habarlaıdy QazAqparat tilshisi.

«Biz osy qaıǵyly oqıǵa týraly estigen boıda Kókshetaýdan Shortandyǵa jedel jettik. Gaz ballonynyń jarylýy oryn alyp, 13 adam zardap shekti. Ókinishke oraı, bes adam kóz jumdy, olardyń ishinde úsh bala bar. Zardap shekkender Nur-Sultan aýrýhanalaryna jetkizildi. Búginde alty adam medıtsınalyq kómek alýda»,- dedi Ermek Marjyqpaev Ortalyq kommýnıkatsııalar qyzmetiniń kóshpeli baspasóz máslıhaty barysynda jýrnalısterdiń qoıǵan suraqtaryna jaýap berý kezinde.

Óz sózinde, aımaq basshysy jedel shtab qurylǵanyn eske saldy.

«Birinshiden, zardap shekkenderdi shuǵyl Nur-Sultandaǵy birinshi, ekinshi qalalyq aýrýhanalarǵa jatqyzý kerek boldy. Osy rette, Densaýlyq saqtaý mınıstrligine, Nur-Sultan qalasynyń ákimdigine úlken rahmet. Olar bizdiń naýqastardy jedel qabyldady. Jerleý rásimine kómek uıymdastyryldy. Sonymen qatar, bul úıde úsh páter boldy. Olardyń barlyǵy jaramsyz bolyp qaldy, biz turǵyndardy jedel qonystandyrdyq», - dedi E.Marjyqpaev. - Aýdandyq TJ jarııalandy. Biz búgin páter satyp alý úshin 30 mıllıon teńge bóldik. Shyn máninde, ballon daladan jylytý úshin úıge ákelingen jáne osy sátte jarylys boldy. Biz kórsetip otyrǵan kómekten bólek, búgin meshit tarapynan qaıyrymdylyq shoty uıymdastyrylyp, 13 mıllıon teńgeden astam qarajat jınaldy. Bul qarajat zardap shekkenderdiń emdelýi, otbasylaryna kómek kórsetýge jumsalady», - dedi aımaq basshysy.

Eske sala keteıik, 16 qarashada Aqmola oblysynyń Shortandy kentinde Lıneınaıa kóshesinde gaz ballonynyń jarylýy oryn alǵan bolatyn. Oqıǵa ornynda úsh adamnyń denesi tabyldy. Ár túrli jaraqatpen on adam ortalyq aýdandyq aýrýhanaǵa jatqyzyldy. Nur-Sultanda 12 jasar bala oqıǵa saldarynan kóz jumdy. Al, 23 qarashada gaz ballonynyń jarylysynan zardap shekken qyz qaıtys boldy. Aqmola oblysynda zardap shekkenderge kómek kórsetý jónindegi shtab quryldy.


Avtor Aslan Ospanov
Basty sózder: Ákim, Oqıǵa, Aqmola oblysy,
Joǵary qaraı