Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Erteń Qyzylordada koronavırýsqa qarsy vaktsınatsııanyń ekinshi kezeńi bastalady

2021 jyldyń 3 naýryz 2021 21:53

QYZYLORDA. QazAqparat - Qyzylordaǵa koronavırýs ınfektsııasyna qarsy egiletin 6200 dana «Spýtnık V» dozasy keldi. Onyń 3600-i - birinshi komponentte, 2600-i - ekinshi komponentte egiledi, dep habarlaıdy QazAqparat tilshisi.

Bul kezeńde vaktsına almaǵan medıtsına qyzmetkerlerine, muǵalimderge jáne juqtyrý qaýpi neǵurlym joǵary jumys oryndarynyń qyzmetkerlerine salynady.

«Budan buryn ekpe saldyrǵyndar arasynda densaýlyǵyna shaǵymdanǵan azamattar bolǵan joq. Al 4 naýryzdan ekpeniń ekinshi kezeńin bastamaqpyz. Alǵashqy kezeńde vaktsınatsııalaý tek qaladaǵy №1, 3, 6 emhanalarda júrgizilgen edi. Endi ekinshi kezeńnen ol aýdandarda jalǵasady. Bul rette egý naýqanyn sapaly ótkizý úshin aýdandaǵy medıtsına qyzmetkerleri de daıyndyq kýrsynan ótip, oqytyldy», - dedi oblystyq densaýlyq saqtaý basqarmasynyń basshysy Sábıt Pazılov.

Aıta keteıik, vaktsına aýdandarǵa temperatýralyq rejımdi qadaǵalaıtyn arnaıy mashınamen jetkiziledi.

Osy baǵytta alǵashqy medıtsınalyq-sanıtarlyq kómek mekemelerinde 14 egý kabıneti daıyndalǵan.

«Qazir halyqtyń vaktsınatsııalaýdyń qaýipsiz ekenine kózi jetti dep oılaımyn. Bir jaǵynan asqyný, aýrý belgileri 1-shi, 2-shi kompanentterde de baıqalmady. Vaktsına kele salasymen barlyq talaptarǵa sáıkes muzdatqyshtarǵa ornalastyryldy. Qazirgi tańda qoımadan qajetti vaktsına oblys ortalyǵyndaǵy emhanalar men aýdandarǵa tasymaldanýda. Bul rette tıisti sala mamandarymen komıssııa quryldy. ıAǵnı, vaktsınany aýdandarǵa jibergende, doza eshqandaı buzylýsyz jetse, qurylǵan komıssııa músheleri qabyldap alatyn bolady», - dedi oblystyq sanıtarııalyq-epıdemıologııalyq baqylaý departamenti basshysy mindetin atqarýshy Álııa Ábdiqaıymova.

Eske sala ketelik, budan buryn Qyzylordada 505 adam koronavırýsqa qarsy ekinshi márte vaktsına saldyrdy.


Joǵary qaraı