Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Erulan Jamaýbaev Esep komıtetiniń eskertpelerin túzetý qalaı júrip jatqanyn aıtty

2021 jyldyń 15 maýsym 2021 17:42

NUR-SULTAN. QazAqparat – QR Qarjy mınıstri Erulan Jamaýbaev Respýblıkalyq bıýdjettiń atqarylýyn baqylaý jónindegi esep komıtetiniń eskertpelerin túzetý jumystary qalaı júrip jatqanyn aıtty, dep habarlaıdy QazAqparat tilshisi.

«Birqatar eskertpe Qytaı Halyq Respýblıkasynyń kedendik statıstıkasymen sáıkes kelmeýshilikke qatysty boldy. Bul oraıda birqatar obektıvti sebep te bar. Eń aldymen ol - Qazaqstanǵa qaraı qytaı eksportynyń barlyq ýaqytta eksport retinde rásimdelinýde. Alaıda olardyń basym bóligi Qazaqstan arqyly tranzıttik júk retinde ótedi. ıAǵnı, bıznesmender júkterin tranzıt retinde rásimdeıdi. Sol sebepten statıstıkada aıtarlyqtaı aıyrmashylyq bolyp otyr. Degenmen, sońǵy úsh jylda úlken jumys júrgizdik jáne qazirgi ýaqytta qytaı tarapymen aqparat almasý shynaıy ýaqyt rejıminde júrgizilýde», - dedi mınıstr Ortalyq kommýnıkatsııalar qyzmetindegi baspasóz máslıhatynda BAQ ókilderiniń saýalyna oraı.

Onyń atap ótýinshe, qazirgi ýaqytta Qazaqstan men Qytaıdyń kedendik statıstıka derekterindegi aıyrmashylyq 25 paıyzǵa qysqarǵan.

«Bul jumysty jalǵastyra beremiz. Munan bólek bıýdjettik kiris bóliginiń josparyna, bıýdjet shyǵystaryn ońtaılandyrý turǵysynda eskertýler boldy. Biz bul usynystardyń barlyǵyn eskerdik jáne Úkimettiń munan arǵy jumysynda qoldanamyz», - dedi Erulan Jamaýbaev.


Joǵary qaraı